اسلام آباد۔ 19جولائی (اے پی پی) مزن وزیر محمد نوا ز شریف ئَ آجوئی ئِ روچئِ ھپتاد سالئِ مراگش ئَ را جوانیں دابے کنگ ئِ ھاترئَ جوڈ کتگیں کمیٹی ئِ سروک ھال ءُ اھیوال کاری ءُ شنگکاری ئِ ملکی وزیر مریم اورنگزیبئَ پاکستان ٹیلی وژنئَ را آجوئی ئِ روچئِ ھوالگئَ ھاسیں مراگشانی تیاری کنگئِ پنتءُ شون کتگ۔ پاکستان ٹیلی ویژن ئِ مزنی حکام ئِ رہنمائی ئَ مراگشانی ریکارڈ کنگئِ بندات بوتگ۔ پی ٹی وی اسلام آباد سینٹر ئَ چہ پیش کنوکیں مراگش ایکسپیڈیشن پاکستان ءُ ملٹی لینگول سانگ ئِ ریکارڈئِ ھاترئَ پی ٹی وی ئِ ٹیم سرجمیں ملکئِ ترءُ تابئَ کنگئَ اَنت۔ ملٹی لینگول سانگ ملکئِ 12دمگی زبانی سرئَ جوڈ کتگیں یک سوتے جوڈ کنگ بوتگ کہ ایشی ئِ تہاپاکستانیت ئِ سکیں جوانیں دابے ئَ درشانی کنگ بوتگ۔ ”پاکستان سپیچز“ گوشتانکی مقابلہ کہ ایشی ئِ تہاورناھ وتی زانت کاریانی درشانی ئَ کن اَنت۔۔ ” پاکستان کوئز“ ئِ تہا پاکستانئِ ھوالگئَ جُستانی پسو دیئگ بنت۔” میں ہوں پاکستان“ اے مراگشئِ تہا بازیں دگہ مراگش بنت کہ زند ئِ بازیں تکءُ پھناتاں چہ سیادی داروکیں زانت کاریں پاکستانی ورناھ آں راج ئَ گوں پجّار کنگ بیت۔ ایشی ئَ ابید ھاسیں شائری، نوکیں راجی سوت ءُ دگہ ھاسیں مراگش اے شنگءُ تالانی ئِ بھر جوڈ بنت۔
