اسلام آباد۔19جولائی (اے پی پی) نیشنل ہیلتھ سروسز، ریگولیشنز اینڈ کوآرڈینیشن سائرہ افضل تارڑ ئِ سروکیئَ مزن وزیر ئِ نیشنل ہیلتھ پروگرام ءِ 16می راجی اسٹیئرنگ کمیٹی ئِ اجلاس بوتگ۔ ایشیئِ تہا سیکرٹری وزارت راجی جانءُ سلامتی ، ایڈیشنل سیکریٹری راجی جانءُ سلامتی، مزن وزیر ئِ سیکرٹریٹ ئِ نماھدگ،جانءُ سلامتی ئِ صوبائی ادارگ، وزارت ھزانگئِ نمائندگ، نادرا، اسٹیٹ لائف انشورنس کارپوریشن ئِ نمائندگ ءُ شریدار ھوار بوتگ اَنت۔ اے اجلاس مزن وزیر ئِ پنتءُ شونئِ روژناھی ئَ ضلوری پسیلہئِ ھاترئَ لوٹگ بوتگ تنکہ نیشنل ہیلتھ پروگرام ئَ را سرجمیں پاکستانئِ تہا شنگ کنگ بہ بیت ءُ 200کلدارئَ چہ کم یک روچے آمدنی والا ھانداناں مپت ئَ علاج ئِ آسراتی پھجارینگ ئِ ھاترئَ آھانی ہیلتھ انشورنس کنگ بہ بیت۔ گڈسرئَ راجی جان ءُ سلامتی ئِ وزیر سائرہ افضل تارڑ ئَ دراھیں باسکانی شگرءُ منت گپتگ، آئی ئَ ھاس چیئرمین اسٹیٹ لائف انشورنس کارپوریشن ئِ ھم شگرءُ منت گپتگ کہ آھاں پاکستان ئِ نیزگاریں ھانداناں کمک پھجارینگ ئِ ھاترئَ کمک کتگءُ وھد داتگ ءُ اے کارئِ ھاترئَ وتی ازمت پیش کتگ اَنت۔
