ایوان ئِ عہدگ دارءُ بیپاری مردمانی حکومت ئِ اقتصادی پالیسی ءُ معاشی گامگیجانی سرئَ اوستءِ درشانی
سیالکوٹ۔19جولائی(اے پی پی) ایوان صنعت ءُ بیپاری سیالکوٹ ئِ عہدگ دارءُ ھندی بیپاری مردماں انوگیں حکومتئِ اقتصادی پالیسی ءُ معاشی گامگیجانی سرئَ اوستئِ درشانی کتگ ءُ اے گپئِ سرئَ زورپِرداتگ کہ ملکئِ دیم روئی ءُ وشھالیئِ ھاترئَ مزن وزیر محمد نواز شریف ئِ سروکیئَ زرکار دوستیں پالیسی آنی سرئَ عمل کنگ ضلوری اِنت۔ آئیئَ اے گپ چارشمبے ئِ روچئَ چیمبر ئِ چیردستی ئَ ھڈ داتگیں مراگشئَ گوں تران کنان ئَ کتگ۔ ایشی ئَ چہ مزن وزیر محمد نواز شریف ئَ ایوان صنعت ءُ بیپاری ئِ تہا ریاض الدین شیخ بزنس اینڈ ٹریڈ سینٹر ئِ بنگیج کتگ۔ اے موھئِ سرئَ آپءُ لینءِ بنجاھی وزیر خواجہ محمد آصف، منصوبہ بندی ءُ دیمروئی ئِ بنجاھی وزیر احسن اقبال ءُ بیپار یئِ بنجاھی وزیر خرم دستگیر ھم ساڑی بوتگ اَنت۔ ایشی ئَ چہ پیسر ایوان صنعت ءُ بیپار سیالکوٹ ئِ دگہ عہددارءُ بیپاری مردماں مزن وزیر ئِ سروکیئَ معاشی مھکمی ئِ توسیپ کتگءُ گشتگ کہ سلامتی ئِ گہتر جاورھال ءُ کاروبار دوستیں چاگردئِ تہا زرکارانی اوستئِ تہا گیشی بوتگ، انوگیں حکومتئَ توانائی ئِ پدمنتگی ئَ را گرءُ دار کتگ کہ ایشیئَ را سیالکوٹ ئِ بیپاری براتی دادءُ سلام دنت۔
