آپءُ لین ئِ ملکی وزیر چوہدری عابد شیر علی ئِ ھال درئِ گوما گپءُ تران
اسلام آباد۔19جولائی (اے پی پی ) آپءُ لینءِ ملکی وزیر چوہدری عابد شیر علی ئَ پاکستان تحریک انصاف ئِ چیئرمین عمران خانئَ را پیدائشی دروگ بند ءُفراڈ لیک اِتگءُ گشتگ کہ دزگیر یئِ تُرسئَ چہ عمران چیر بوھگئَ اِنت۔ چارشمبےئِ روچئَ آمید گسئِ ڈنئَ ھاد ئِ گوما گپءُ تران کنان ئَ آئیئَ گشتگ کہ عمران خان وتئَ را اینچو بہادر سرپد بیت کہ آ پانامہ کیس ئِ ھوالگئَ شاہ آمید گس ئَ کیس ئِ گوشدارگئِ ھاترئَ پیداک نہ اِنت۔ آئی ئَ گشتگ کہ عمران خان ” اشتہاری ملزم “ اِتءُ دزگیر یئِ تُرسئَ چہ شاہ آمید گسئَ پیداک نہ اِنت ، عمران خانئَ کرپشن ئَ چہ حاصل کتگیں دولت ئِ سرئَ آکسفورڈ یونیورسٹی ئَ تعلیم حاصل کتگ۔ آئیئَ یکجائی تحقیقاتی ٹیم ئِ رپورٹ ئَ را ھم ایر جتگءُ گشتگ کہ اے رپورٹئِ ھما لبز کارمرز کنگ بوتگ کہ عمران خانئَ گشتگ اَنت۔ آئی ئَ گشتگ کہ پنجاپئِ سروزیر ئِ ھلاپ بابر اعوان ئِ نیمگئَ چہ ریفرنسئَ را ایر جتگءُ گشتگ کہ بابر اعوان نندی پورئِ لُچ اِنت۔
