کوئٹہ۔ 19جولائی(اے پی پی) تہی کارانی صوبائی وزیر میرسرفراز بگٹی ئَ مستونگ ئِ دمگ ئَ گاڑی ئِ سرئَ تیرگواری ئِ نتیجگئَ گران نیادیں جانانی تاوان بوھگئِ سرئَ اپسوزئِ درشانی کتگءُ گشتگ کہ وئیلئِ تہا ھواریں ناشرکار کانودئَ چہ نہ رکھ اَنت۔ جاری بیانئِ تہا تہی کارانی صوبائی وزیر میرسرفراز بگٹی ئَ مستونگ ئَ گاڑیئِ سرئَ ناشناسیں مردمانی تیرگواری ئِ وئیلئَ راسک باز ایر جتگءُ گران نیادیں جان آنی تاوان بوھگئِ سرئَ اپسوزئِ درشانی کتگ۔ آئیئَ گشتگ کہ زالبولانی سرئَ اُرش اسلام ءُ بلوچستانئِ دودءُ ربیدگانی ھلاپ اِنت ناشرکار انسان گشگئِ ھم ھکدار نہ اَنت۔ آئیئَ گشتگ کہ ناشرکار کانودئَ چہ نہ رکھ اَنت آ دزگیر کنگءُ ترندیں سزا دیئگ بنت۔ آئی ئَ پولیس ئَ را پنتءُ شون کتگ کہ وئیل ئِ تہا ھوار مردماناں دزگیر کنگئِ ھاترئَ دراھیں گامگیج کنگ بہ بنت۔
