اسلام آباد۔ 19 جولائی (اے پی پی) بنی آدم آنی دیمروئی ئِ ھاترا جوڑ کتگیں راجی کمیشن (این سی ایچ ڈی) ئِ چیئرپرسن ئُُ پیسریگیں سینیٹر رزینہ عالم خان ئَ گوشت کہ کمیشن ئِ جیل پراجیکٹ نزیک ئَ مزنیں کساس ئَ بندات کنگ بیت، اے پراجیکٹ ئِ چیر دستی ءَ بندیگ آناں وانگ ئُُزانگ ئُُ ھیل کاری ئَ ھوار دماگی ئُُ نفسیاتی سر ئُُ سوج کنگ بیت۔ اے گپ آئی ئَ صدر ئِ مملکت ئُُ بُنجاھی محتسب ئ، جیل اانی بابت ئَ کمیشن ئِ رپوٹ کنگ ئَ پد میڈیا ئِ نماھندگ آں گوں تران ئِ ساھت ئَ گوشت انت۔ رزینہ عالم خا ن ئَ گوشت کہ مئے بنداتی ترجی اِنت کہ جیل آنی تہ ئَ بندیگ ایں زالبول ئُُ زھگ آناں وانگ ئُُ زانگ ئُُ ھیل کاری ئِ وسیلگ ئَ ایشاناں وت مستر کنگ اِنت تانکہ بندش ئَ چہ پد ایشانی زندمان ئِ گوازینگ ئُُ روزگار ئِ کنگ ئَ آسانی بہ بیت۔
