لاہور۔ 19 جولائی (اے پی پی) صدر مملکت ممنون حسین ئَ گوشت کہ پاکستان آزماھش ئِ زمانگ آں چہ در کپگ ئُُ دیم پہ دیمروئی ئِ پند ئَ رھادگ بوتگ، دیمروئی ئِ گام آناں گیش گہتر کنگ ئِ ھاترا ضلوری اِنت کہ راج ئِ ھمک مردم ھاسیں رنگ ئَ سرکاری انتظامی سرجمیں جوش ئُُ جوزگ ئِ گوما کار بکن اَنت۔ اے گپ آئی ئَ نیشنل سکول آف پبلک پالیسی ئَ 106یک سد ئُُ ششمی نیشنل مینجمنٹ ئُُ 21بیست ئُُ یکمی سینئر مینجمنٹ کورسز ئِ بھر زرتگیں مردم آں گوں داد آنی بھر ئُُ بانگ ئِ ساھت ئَ گشتانکی دیان ئَ کت اَنت۔ صدر ئِ مملکت ئَ گوشت کہ دگنیا ئَ ایوک ئَ ھما راج دیمروئی کن اَنت آئی ئِ مردم وتی زمہ واری آنی گوما راجی کار آنی درگت ئَ زندمان ئِ ھمک پڑ ئَ مھکم ئُُ جزم ئِ گوما وتی زمہ واری آں پیلو کن اَنت۔ راجی زند مان ئِ تہ ئَ اگاں اے کار سرت ئُُ سپڈتگیں رنگے ئَ گندگ بہ بنت گڈا بہ پھم کہ راج دیم پہ زوال ئِ نیمگ ئَ جنزگ ئَ انت ایشاں چہ بچگ ئِ ضلورت اِنت۔ آئی ئَ گوشت کہ چیلنج ئَ گوں دیم پہ دیم بوھوکیں راج میاں اوستمانی اُلس ئِ نیام ئَ جوانیں نکش رند اِت کن اَنت۔ پاکستانی راج گوستگیں ھپتاد سال ئِ ساھت ئَ نمونگ نمونگ چیلنج ئَ گوں دیم پہ دیم بوھگ ئَ اِنت ئُُ انوں آئی ئِ فضل ئُُ کرم ئَ چہ آئی ئِ کربانی آنی برورد در جنگ ئِ وھد ئُُ پاس اتکگ سر بوتگ۔
