اسلام آباد۔ 18 جولائی (اے پی پی) وزیر ئِ مملکت برائے اھوالکاری ئُُ شنگ کاری مریم اورنگزیب ئَ گوشت کہ جے آئی ٹی ئَ آئین ئُُ کانود ئَ چہ ڈن ھٹ جتگ، ایشی ئِ رپوٹ بنّ نیتی اِت ، ھمے درگت ئَ آئین ئُُ کانود ئِ رد ئَ وتی لیکہ شریف ھاندان ئَ سپریم کورٹ ئَ جم کتگ اَنت، محمد نواز شریف ئَ پاکستان ئِ اُلس آں سئے رند ئَ مزن وزیر گچین کتگ، آئی ئِ توامیں مڈی ریکاٹ اَنت، آئی ئِ مالیاتی ھال تان، ویلتھ سٹیمنٹ ئُُ آئی ئِ ٹیکس ریٹرن دُرستیں چیز ادارگ آنی ویب سائٹ ئَ ریکارٹ اَنت ئُُ ساڑی اَنت، جے آئی ٹی اگاں کجام یک چیریں جاسوس یا دگہ نمونگ ئَ مسل ئُُ کاگد (جزیٹ) کنگ ئِ ھاترا باڈا زور ایت ایشی ئِ تہ ئَ کانود موہ نہ دنت، اے ھما کاگد اَنت کہ ایشانی نہ تصدیق بوتگ ئُُ نا کہ ایشانی ویریفیکیشن بوتگ، ایشانی اچ سرٹیفیکیشن نیست۔ ایشانی بنیات ئَ رپوٹ جوڑ کنگ بوتگ، اِچ در ملکی حکومت ئَ چہ تچک ئَ تچک ا چ کاگد ئُُ مسل در جنگ نہ بوتگ، ھمے ھاترا ایشانی پاکستان ئِ کانود ئُُ آئین ئَ اِچ جاھ ئُُ بستار نیست۔ ئُُ نا کہ ایش لائک ئِ گوشداری اَنت مزن وزیر محمد نواز شریف اُلس ئِ ھاترگڈی نپس ئَ تاں جنگ ئَ مچین آں ئُُ مزنیں آمید گس ئَ چہ وش نام باں چیا کہ آئی ئِ پشت ئَ اُلس ءِ زور ئُُ طاقت انت، پاکستان ئِ اُلس ئِ اِزمت ئُُ محبت آئی ئِ پشت ئَ اِنت۔ آئی ئِ سروکی ئَ پاکستان ناشرکاری ئَ چہ پاک ئُُ دیمروئی کنوکیں ملک آنی لڑ ئَ ھوار کپگ ئَ اِنت، آئی ئِ ھلاپ ئَ پندل آں آمید گس رد کنت ئُُ سال 2018ئَ الس ئِ ووٹ آنی طاقت ئَ چہ یک رند ئِ پد ئَ نواز شریف مزن وزیر جوڑ بیت، قطری درئی کارانی وزیر ئِ تر ئُُ تاب پانامہ کیس ئَ گوں اِچ سیادی نیست، اے گوستگیں تر ئُُ تاب آنی وڑیں تر ئُُ تاب اِت، پاکستان ئَ ھمک چیز پانامہ کیس ئَ گوں سیادی ندار ایت، سئے شمبے ئَ سپریم کورٹ ئِ ڈن ئَ میڈیا ئَ گوں تران کنان ئَ مریم اورنگزیب ئَ گوشت کہ جے آئی ٹی ئِ رپوٹ سپریم کورٹ ئِ پیسلہ نہ اِنت۔
