پاکستان ئَ را مشرق وسطیٰ ئِ تہا انوگیں پدمنتگیئِ سرئَ تکانسری اِنت، پاکستان ئِ حکومتءُ اُلس اسلامی ملک آنی درنیامئَ جیڑھءُ جنجالانی سفارتی گیشءُ گیواری ئِ واھشت مند اَنت
اسلام آباد۔18جولائی (اے پی پی) مزن وزیر محمد نواز شریف ئَ گشتگ کہ پاکستانئَ را مشرق وسطیٰ ئِ تہا انوگیں پدمنتگیئِ سرئَ تکانسری اِنت، پاکستان ئِ حکومت ءُ اُلس براتیں اسلامتی ملک آنی درنیامئَ جیڑھءُ جنجالانی سفارتی گیشءُ گیواری ئِ واھشت مند اِنت۔ آئی ئَ اے گپ سئے شمبے ئِ روچئَ گترئِ دری کارانی وزیر شیخ محمد بن عبدالرحمن الثانی ئَ گوں پاکستانئِ کم وھدئِ ترءُتابئِ وھدئَ گپ ءُ تران کنانئَ کتگ۔ گندءُ نندئِ تہا شیخ محمد بن عبدالرحمن ئَ مزن وزیرئَ را سعودی عرب، یواے ای، بحرین ءُ مصر ئِ لوٹانی پد گتر ئِ پسوءُ کویت ئِ امیر شیخ صباح الاحمد الجابر الصباح ئِ ثالثی کوشستانی انوگیں جاورھال ئِ ھوالگئَ سرپد کتگ۔ مزن وزیر ئَ پاکستانءُ گتر ئِ درنیامئَ براتیں سیادی ئِ ذکر کتگءُ اے گپ ئِ سرئَ زور پِرداتگ کہ پاکستان ئِ دراھیں خلیجی ملک آنی گوما نزیکیں دوستیں ءُ کمک ئِ سیادی اَست اَنت ءُ رودرآتکی وسطیٰ ئِ تہا آنوگیں پدمنتگیئَ چہ پکر کنت۔ گترئِ دری کارانی وزیرئَ جوانیں وش اتکی کنگئِ سرئَ مزن وزیر ئِ شگرءُ منت گپتگ ءُ دوھیں ملک آنی درنیامئَ دونیمگی سیادی ئِ گیش کنگئِ گترئِ واھشت ئِ درشانی کتگ۔
