استیں حکومت ئَ ماحولیاتی مٹ ئُُ بدلی ئَ چہ پیداک بوتگیں چیلنج آں گوں گر ئُُ چیل بوھگ ئِ ھاترا ٹوھیں گامگیج زرتگ
اسلام آباد ۔ 18 جولائی (اے پی پی) بُنجاھی وزیر مٹ ئُُ بدلی زاہد حامد ئَ گوشت کہ وزارت ماحولیاتی مٹ ئُُ بدلی ئَ گوستگیں چار سال آنی تہ ئَ جوانیں پند ئِ بُر اِتگ، آ سول سوسائٹی کولیشن ئِ کمک ئَ برجم داشتگیں 23شور ئُُ سلائی ڈائیلاگ ئَ گوں تران کنان اَت۔ آئی ئَ گوشت کہ گوستگیں چار سال آنی تہئَ پیرس ئِ منوگری ئِ برجائی ، سرسبز یں پاکستان پروگرام، یکجائی نپ ئُُ سیت آنی کونسل ئَ چہ جنگل ئِ ھاتا راجی پالیش ئِ منظوری، ماحولیاتی مٹ ئُُ بدلی ئِ ایکٹ ، جزیرہ آستولیا ئَ را پاکستان ئِ اولی زِرّی ایمن ایں تیاب نامینگ، میاں اوستمانی ماحولیاتی مٹ ئُُ بدلی ئِ چار ءُُ تپاسی ئِ ھاترا سٹڈی سینٹر ئِ برجائی ئُُ راچی اسمبلی ئَ جوانیں دیمروئی ئِ ھد ئُُ پاس ئَ سر بوھگ ئِ منظوری ھوار اَنت۔ گلوبل چینج امپیکٹ سٹڈی سینٹرئِ ڈائریکٹرجنرل ڈاکٹرطارق بنوری ئَ گوشت کہ ماحولیاتی مٹ ئُُ بدلی ئِ میاں اوستمانی ایجنڈا اِنت ئُُ ایشی ئَ گوں گر ئُُ چیل بوھگ ئِ ھاترا یکجائی کوشست آنی ضلورت بیت۔
