اسلام آباد ۔ 18 جولائی (اے پی پی) اسلام آباد ہائی کورٹ ئِ پنچ ریگولیٹری اتھارٹیز آناں وزارت آنی چیر دست کنگ ئِ مقدمہ ئِ تہ ئَ سنگل باسکی ئِ 20جون ئِ حکم ئَ را مھتل داران ئَ شریکدار آناں نوٹس جاڑی کتگ ئُُ آواں چہ پسو ئِ لوٹ کتگ۔ سئے شمبے ئَ آمید گس ئِ جسٹس شوکت عزیز صدیقی ئُُ جسٹس محسن اختر کیانی ئَ ڈویژن بینچ ئِ گوشداری کت۔ اے موہ ئِ سر ءَ ایڈیشنل اٹارنی جنرل محمد وقاررانا ئَ دلیل دیان ئَ گوشت کہ سنگل باسکی بینچ ئَ آئین ئِ شک نمبر 99ئُُ 77رول 3ئِ ھلاپ کتگ۔ سنگل باسکی بینچ ئِ پیسلہ آئین ئَ چہ ڈن اِنت۔ دلیل آنی گوشداری ئَ پد آمید گس ءَ دزبندی ئِ گوشداری منظوری کنگ بوت۔ آمید گس ئَ محمد نواز ئُُ غیاث عبداللہ ئَ را نوٹس جاڑی کنان ئَ پسو ئِ لوٹ کنگ بوت۔ حکومت ئَ پنچ ریگولیٹری اتھارٹیز آناں شش 6 جون ئَ وزارت ئِ دوبارہ چیر دست کنگ ئِ نوٹیفکیشن جاڑی کتگ اَنت۔ سنگل باسکی بینچ ئَ اوگرا ئُُ نیپرا ئَ ھوار پنچ ریگولیٹری اتھارٹیز آناں وزارت آنی چیر دست کنگ ئِ نوٹیفیکیشن ”کالعدم “ نامینتگ۔ آمید گس ئِ سنگل بینچ ئِ جسٹس اطہر من اللہ ئِ 20جون ئِ حکم مھتل کتگ، آمید گس ئَ کیس ئِ گیش گوشداری 11ستمبر ئَ تاں مھتل داشتگ۔
