اسلام آباد ۔ 18 جولائی (اے پی پی)گورنر خیبرپختون خواہ ظفراقبال جھگڑا ئَ گوشت کہ استیں جاور ھال آنی رد ئَ ملک ئِ اقتصادی دیمروئی ئِ ھاترا جوانیں برجائی ضلوری اِنت۔ سئے شمبے ئَ وتی یک گلگدارے ئِ تہ ئَ آئی ئَ گوشت کہ پاک چیدن اقتصادی راہداری پاکستان ئِ دیمروئی ئُُ وشھالی ئِ منصوبگ اِت، اقتصادی راہداری ئِ منصوبگ ئِ سر ئَ کار جاڑی اِنت ئُُ اے وھد ئَ ایشاناں سیم سر ئَ سر بوھگ مزنیں چیلنج ات ایشی ئِ ھاترا ملک ئِ تہ ئَ ایمنی ئُُ برجائی سک باز المی انت۔ آئی ئَ گوشت کہ سیاستدان آناں وت مہ وتی ھلاپ ئُُ کینگ ئَ چہ گستا دارگی اِنت۔ یک جُست ئِ پسو ئَ آئی ئَ گوشت کہ یکجائی پٹ ئُُ پولی ٹیمب ئِ برجا سپریم کورٹ ئِ پنت ئُُ شون ئِ رد ئَ جوڑ کنگ بوتگ۔ سپریم کورٹ ئِ شرپ ئَ کناں ئُُ مارا اُمیت اِنت کہ اے کیس ئَ سپریم کورٹ انصاف کنت، اے کیس سک ارزشتی اِنت ئُُ آمید گس اُلسی نپ ئُپ سیت ئَ دیم ئَ ایر کنت ئُُ پیسلہ کنت۔ آئی ئَ گوشت کہ من دل یکیم آں کہ آمید گس ملک ئِ جاور ھال آں چہ سر سرپد اِنت ۔ ناشرکاری ئِ ھلاپ ئَ کاتروائی جوانی ئَ کنگ بوتگ ئُُ اے درگت ئَ انگت ئَ آپریشن بازیں جاھاں برجا اَنت۔ ایشانی تہئَ ملک ءِ اندر ئَ ایمنی ئِ برجائی ئَ کمک رستگ۔ آئی ئَ گوشت کہ پشت کپتگیں دمگ آں دیمروئی ئُُ ایمنی ئِ سبب ئَ لیب ئُُ گوازیں ئَ ھوار سیل ئُُ سوادی جاھ ئُُ ایندگہ چست ئُُ ایر گوں ترندی ئَ برجا ئُُ جاڑی اَنت۔
