پاکستان ئَ کسٹمز ئِ کار ئَ میاں اوستمانی کد ئُُ بالاد ئَ جوڑ کنگ ئِ ھاترا کار برجا اِنت، دمگی تجارت ئَ آسراتی دیگ ئِ ھوالگ ئَ ھم گامگیج چست کنگ بوھگ ئَ اِنت،
اسلام آباد ۔ 18 جولائی (اے پی پی) وزیر ئِ ھزانگ سینیٹراسحاق ڈار ئَ گوشت کہ پاکستان ئَ کسٹمز ئِ کار ئَ را میاں اوستمانی کد ئُُ بالاد ئَ جوڑ کنگ ئِ ھاتراکار برجا اِنت۔ آئی ئَ اے گپ پاکستان ئَ تر ئُُ تاب ئَ آیوکیں ورلڈ کسٹمز آرگنائزیشن ئِ سیکرٹری جنرل کونیوموماکوریا ئَ سئے شمبے ئَ اِدا گند ئُُ نند ئِ ساھت ئَ کُت اَنت۔ وزیر ئِ ھزانگ ئَ ورلڈ کسٹمز آرگنائزیشن ئِ سیکرٹری جنرل ئَ را گوشت کہ سیم سرئی ئُُ دمگی تجارت ئَ آسراتی دیگ ئِ ھوالگ ئَ گامگیج چست کنگ بوھگ ئَ اِنت۔ گند ئُُ نند ئَ پاکستان ئُُ ورلڈ کسٹمرز آرگنائزیشن ئِ نیام ئَ یکوئی ئُُ رابطہ آناں دیمروئی دیگ ئِ منوگری ئِ سر ئَ تپاک کنگ بوت۔ ورلڈ کسٹمز آرگنائزیشن ئِ سیکرٹری جنرل ئَ گوشت کہ استیں حکومت ئِ نیمگ ئَ کسٹمز ئِ نظام آرا گہتر کنگ ئِ گامگیج سہرا ئُُ تچک اِنت۔ آئی ئَ پاکستان ئَ کسٹمز ئُُ راہداری ئِ کار ئَ را گہتر کنگ ئَ پاکستان ئِ گوما سرجمی ئَ کمک کنگ ئِ دل یکیم داتگ۔ مزن وزیر ئِ ھاسیں کمکار برائے ”،حصولات“ ہارون اختر خان، چیئرمین ایف بی آر طارق محمودپاشا ئُُ وزارت ئِ ھزانگ ئِ ایندگہ کلانئیں کارندہ اے موہ ئِ سر ئَ ساڑی اَتنت۔
