شنگھائی کمکی گل ءِ سروکیں دیوان پاکستان ءِ واستہ باسکیں ملک آنی گوما سفارتی ءُ  اقتصادی سیادی آناں مھکم کنگ ءِ یک ھاسیں موہ یے، جھان ءُ  دمگی کار آنی بابت ءَ ماھمک ین ءِ تران

اسلام آباد۔13اکتوبر  (اے پی پی): میاں اوستمانی ءُ  دمگی کارانی ماھمک ین ءُ  زانتکاراں شنگھائی کمکی گل ءِ سروکیں دیوان ءَ را پاکستان ءِ وتی باسکیں ملک آنی گوما وتی اقتصادی ءُ  سفارتی سیادی آناں گہتر کنگ ءِ راہ لیک اتگ اے یک ھاسیں موہ یے ۔ ناشرکاری ءِ ھلاپ ءَ یک مشترکہ حکمت عملی ءِ سر ءَ مھکم کنگ ءُ  تپاک کنگ ءِ ھاترا۔ شنگھائی کوآپریشن آرگنائزیشن ءِ 23می دو روچی سروکیں دیوان 15 ءُ 16 اکتوبر ءَ اسلام آباد ءَ برجم دارگ بیت۔ شنگھائی کمکی گل 2001 ءَ جوڑ کنگ بوتگ ءُ  ایشی ءِ تہ ءَ 9 باسکیں ملک ھوار اَنت کہ ایشی ءِ تہ ءَ چین، روس، بیلاروس، کرغزستان، قازقستان ءُ  ازبکستان ھوار اَنت ءُ  پاکستان، ھندوستان ءُ  ایران 2017 ءَ اے گل ءَ ھوار بوتگ اَنت۔ شنگھائی کوآپریشن آرگنائزیشن ءِ دیوان ءِ تیاری ءَ پاکستانی حکومت ءَ سکیں سیکورٹی گامگیج چست کتگ انت ءُ مراگش ءِ وھد ءَ امن ءُ ایمنی ءِ برجائی ءُ سیکورٹی ءِ گامگیج آنی دل یکیمی کنگ ءِ واستہ لشکری ​​فورسز ءِ ھواری ءَ ھزاراں پولیس ءِ کارندہ ایر کتگ انت۔ دمگی کارانی زانتکار ءُ  زانتکارانی گشگ انت کہ شنگھائی کمکی گل پاکستان ءِ واستہ یک ھاسیں سفارتی ءُ  اقتصادی موہ ءِ دات کنت۔ انسٹی ٹیوٹ آف اسٹریٹجک اسٹڈیز اسلام آباد ءِ میاں اوستمانی سیادی ءِ ماھمک  محمد تیمور خان ءَ گوشت کہ اے سروک دیوان پاکستان ءِ واستہ یک جوانیں موہ یے کہ آ اے گپ ءَ را پدر بہ کنت کہ آ چوں سرمایہ کاری ءَ را را وتی نیمگ ءَ رازیگ کنت ءُ  دمگی سیادی آنی تہ ءَ کرد پیلو کنت۔ اے پی پی ءِ بابت ءَ گپ ءُ  تران کنان ءَ آئی ءَ گوشت کہ ایشی ءَ چہ پاکستان ءَ را گیشیں تک ءَ وتی اقتصادی ءُ  جیوپولیٹکل نپ آناں دیم ءَ برگ ءِ موہ رس ایت، ایشی ءَ چہ دمگی امن ایمنی ءُ  وشھالی ءَ را دیم ءَ برگ ءِ پالیشی آنی کمک بیت۔ اے رابطہ آنی وسیلگ ءَ پاکستان نہ ایوک ءَ دمگی کلیدی پلیئرز ءِ گوما وتی سیادی ءَ را مھکم کنت بلکیں وت ءَ را گیشیں یوریشین رابطہ کاری ءِ گامگیج ءِ تہ ءَ یک ھاسیں رابطہ ءِ بستار ءَ ھم دیم ءَ کاریت۔ تجزیہ کارانی گشگ انت کہ شنگھائی تعاون ءِ گل یک مزنیں پلیٹ فارمے ءُ  ایشی ءَ چہ نہ ایوک ءَ دمگ ءَ بلکیں سرجمیں دنیا ءَ بدلی آرگ بوت کنت۔ اے پی پی ءَ گوں تران کنان ءَ سینئر اھوالکار افتخار شیرازی ءَ گوشت کہ پاکستان دگنیا ءِ پنچمی مزنیں آبادی ءِ ملک ءُ  میاں اوستمانی تجارت ءِ واستہ اسٹریٹجک جاہ بوھگ ءِ سوب ءَ وتی اُلس ءَ را نپ چست کنگ ءِ واستہ موہ آناں پائدگ چست کتگ آئی ءَ وتی ارزشت ءَ را گیش کتگ۔ آئی ءَ گوشت کہ اے دیوان ءَ ایمنی ءِ جیڈھ ءُ  استیں دمگی ناشرکاری ءِ سر ءَ گپ ءُ  تران ھم المی بیت، آئی ءَ گوشت کہ شنگھائی کوآپریشن آرگنائزیشن ءِ واستہ سیکورٹی ءِ جیڈھ ءُ  ناشرکاری یک المی ئیں ایجنڈا ءِ چیز اِنت ءُ  اے دیوان ءَ جیڈھ ھاسیں رنگ ءَ اوگانستان ءِ سر ءَ دلگوشی دیگ بیت۔ دیم ءَ آیوکیں ناشرکاری ءِ سر ءَ گپ ءُ تران ءُ گیش ءُ گیوار کنگ ءِ ھاترا کہ سرجمیں دمگ ءِ ھاترا مزنیں ھترہ یے ۔ اقوام متحدہ ءِ نوکیں رپورٹ ءِ رد ءَ تحریک طالبان پاکستان اوگانستان ءِ ’’بزگیں ناشرکاریں گل‘‘ اِنت ءُ پاکستان ءَ سرحد ءِ سرا اُرش کنگ ءِ ھاترا اوگان طالبان ءِ کمک ءَ گیش ءُ گیوار کنگ ءَ اِنت۔ ماھمک ین ءِ گشگ انت کہ پاکستان ءَ جیو اسٹریٹجک ءَ چہ جیو اکنامک فوکس ءِ نیمگ ءَ رھادگ بوھگ ءِ رجحان گیش بوھگ ءَ انت ءُ  اے ایس سی او ءِ سروک دیوان پاکستان ءِ واستہ اے حکمت عملی ءَ را دیم ءَ برگ ءُ  پدر کنگ ءِ موہ جوڑ بیت۔ میاں اوستمانی ءُ مالیاتی کارانی پٹ ءُ پولکار منیب سلمان ءَ گوشت کہ اے کانفرنس یک ھاسیں کانفرنس ءِ بیت، ھاسیں رنگ ءَ چین ءُ پاکستان ءِ اقتصادی راہداری ءِ رد ءَ کہ پیسر ءَ چہ کار کنگ ءَ اِنت، اے راہداری میان اُستمانی ایشیا ءِ ھمراھی ءَ پاکستان ءِ واستہ ھاسیں ارزشت ءِ واھند اِنت۔ اے پی پی ءَ گوں تران کنان ءَ آئی ءَ گوشت کہ پاکستان ءُ  چین ءِ نیام ءَ دو نیمگی تجارت ءِ کساس بیست ارب ڈالر اِنت بلے پاکستان ءَ را وسیلگ ءَ چہ زرباری میان اُستمانی ایشیا ءَ گوں ھمگرنچ کنگ دیریں وھد ءَ چہ ھواریں ذمہ واری اِنت۔ اے دیوان ءِ آسر ءَ باسکیں ملک آنی نیام ءَ اقتصادی شراکت داری ءَ را گیش کنگ ءِ ھاترا کلیدی گامگیج آنی منظوری ءُ  آیوکیں سال ءِ شنگھائی کمکی گل ءِ بجٹ ءِ منظوری ءِ گمان اِنت۔ گند ءُ نند ءَ چین ءِ مزن وزیر لی چیانگ، روس ءِ مزن وزیر میک ہال مشوسٹن، بیلاروس ءِ مزن وزیر رومن گولوفچنکو ءُ ایران ءِ اولی نائب صدر رضا عارف بھمک  زور اَنت۔ دیوان ءَ قازقستان ءِ مزن وزیر اولزاس بیک ٹینوف، کرغزستان ءِ اکیل بیک جاپاروف، تاجکستان ءِ کوہیر رسول زودا ءُ ازبکستان ءِ عبداللہ اریپوف ھم  بھر زور اَنت۔ بھارت ءِ دری کارانی وزیر ایس جے شنکر وتی ملک ءِ نمائندگی ءَ کنت۔