بنجاھی   آئینی آمید گس ءِ جوڑ کنگ دراھیں صوبہ ھاسیں رنگ ءَ بلوچستان ءِ واستہ نیکیں پال گام ءِ سہرا  بیت،   سر  وزیر  بلوچستان

کوئٹہ۔ 13 اکتوبر (اے پی پی):بلوچستان ءِ سر وزیر میر سرفراز بگٹی ءَ گشتگ بنجاھی   آئینی آمید گس ءِ جوڑ کنگ دراہیں صوبہ ھاسیں رنگ ءَ بلوچستان ءِ ھاتر ءَ یک جوانیں شگون ءِ ثابت بیت۔ یک شمبے ءِ روچ ءَ سوشل میڈیا ءِ ویب سائٹ ایکس ءِ سر ءَ وتی پوسٹ ءِ تہ ءَ آئی ءَ گوشت کہ آئین ءِ آمید گس ءِ جوڑ کنگ ءَ بلوچستان ءَ ھوار درستیں صوبہ آنی توار یک پیم ءَ گوشدارگ بیت وھدیکہ آئی ءَ خراج تحسین پیش کنان ءَ گوشت کہ آئین ءِ آمید گس ءِ جوڑ کنگ ءَ گوں… کلیں استانانی برابریں نمائندگی ممکن بیت ءُ کسانیں استانانی محرومیت ءِ احساس ہم ھلاس بیت۔ آئی ءَ گوشت کہ من ءَ بلاول بھٹو زرداری ءِ وژنری رپک ءِ سر ءَ پھر اِنت، امیت کن آں کہ بلوچستان ءِ نیشنلسٹ پارٹی ھم اے گامگیج ءَ کمک کن اَنت۔