پاکستان ءِ  گوما  مئے جھلانکیں    دوستی  ءُ  یکوئی است انت،  چینی سفیر

اسلام آباد۔13اکتوبر  (اے پی پی):پاکستان ءَ چین ءِ سفیر جیانگ زیڈونگ ءَ گوشت کہ پاکستان ءِ گوما مئے جوانیں دوستی ءُ    است انت، پاکستان ءُ  چین ءَ ھمک  مشکلیں وھد ءَ یک دومی ءِ کمک کتگ، چین ءِ چیمبر آف کامرس ءِ جوڑ کنگ ءَ چہ دو نیمگی تجارت ءَ را دیمروئی رسیت۔ سرمایہ کاری۔ چینی چیمبر آف کامرس ءِ گڈی مراگش ءَ گشتانک دیان ءَ چینی سفیر ءَ گوشت کہ پاکستان ءَ چینی چیمبر آف کامرس ءِ جوڑ کنگ ءَ چہ دو نیمگی تجارت ءَ را دیمروئی دیگ ءِ موہ رس ایت ءُ  دوئیں ملک آنی بزنس کمیونٹی آناں یک دومی ءِ گوما نزیک کنگ بیت۔ آئی ءَ گوشت کہ شنگھائی کمکی گل ءِ سروک دیوان پاکستان ءَ بوھگ ءَ انت، چین ءِ مزن وزیر اے ھاسیں سروک دیوان ءَ بھر زوری کنت۔ آئی ءَ گوشت کہ گوستگیں روچاں مزن وزیر محمد شہباز شریف ءِ چین ءِ تر ءُ  تاب ءَ پد سی پیک ءِ دیمروئی ءُ  دو نیمگی کمک ءِ تہ ءَ گیشی ءِ تہ ءَ مزنیں پیشرفت بوتگ۔ سی پیک ءِ دومی بھر بندات بوھگ ءَ انت۔ چینی سفیر ءَ گوشت کہ دوئیں ملک آنی سروکی پاکستان ءُ  چین ءِ دوستی ءَ را گیش گہتر کنگ ءِ کوشست ءَ کنگ ءَ انت ءُ  اے درگت ءَ جتا جتائیں پڑ آنی تہ ءَ کمک ءِ معاہدہ کنگ بوھگ ءَ انت ایشی ءِ پائدگ آیوکیں روچ آنی تہ ءَ گندگ بنت۔ دوئیں ملک آنی وزیر، چیمبر ءِ نمائندگ آں ھم مراگش ءَ  بھر   زرتگ ءُ  گشتانک داتگ۔