سی پیک سرجمیں دمگ ءِ وشھالی ءِ واستہ یک منصوبگے، چین ءَ شر ءُ ھرابیں وھد ءَ پاکستان ءِ کمک کتگ، پاکستان ءِ اقتصادی گہتری ءِ تہ ءَ چین ءِ ھاسیں کرد انت، عطا اللہ تارڑ

اسلام آباد۔13اکتوبر  (اے پی پی):بنجاھی   وزیر ءِ اھوالکاری، شنگکاری، راجی میراث ءُ دود ءُ ربیدگ عطا اللہ تارڑ  ءَ سی پیک ءَ را سرجمیں دمگ ءِ وشھالی ءِ منصوبگ لیک اِتگ ءُ گوشت کہ سی پیک پاکستان ءُ چین ءِ نیام ءَ نزیکی ءُ آئیڈیل دوستی ءِ دپ اِنت۔ .اے گپ ءِ ثبوت انت کہ پاکستان ءِ اقتصادی دیمروئی ءِ تہا چین ءَ مدام پاکستان ءِ کمک کتگ چین ءِ مزن وزیر ءِ پاکستان ءِ تر ءُ تاب سک باز المی انت۔ سی پیک ءَ پاکستان ءُ    پڑ  ءِ واستہ گیم چینجر جوڑ بیت۔ یک شمبے ءِ روچ ءَ ادا چین چیمبر آف کامرس ءِ نیمگ ءَ برجم داشتگیں مراگش ءَ گوں تران کنان ءَ بنجاھی   وزیر ءِ اھوالکاری ءَ گوشت کہ پاکستان ءُ    چین ءِ نیام ءَ دوستی کرن آنی سر ءَ ھوار اِنت ءُ    نسل ءَ چہ نسل ءَ دیم ءَ روگ ءَ اِنت۔ آئی ءَ گوشت کہ دوئیں ملک آنی الس آنی تہ ءَ یک ءُ    دومی ءِ گوما جزباتی وابستگی است انت۔ دوئیں ملک آہنی دوستی ءِ بند ءَ بندوک انت۔ چین ءُ پاکستان ءِ سیادی ھمک روچ گیش مھکم بوھگ ءَ انت ۔ بنجاھی   وزیر ءَ گوشت کہ چین ءَ مُدام شر ءُ    ھراب ءِ ساھت ءَ پاکستان ءِ کمک کتگ ۔ وھدے کہ مارا توانائی ءِ بدترین بحران ءِ دیم ءَ کپت گڈا چین ءَ پاکستان ءِ توانائی ءِ شوبگ ءِ نوکیں رنگ ءَ جوڑ کنگ ءَ مئے کمک کت۔ آئی ءَ گوشت کہ 2013 ءَ 8 ءَ چہ 19 کلاک ءِ لوڈ شیڈنگ بوتگ ایشی ءِ سبب ءَ مارا سالانہ 500ارب کلدار ءِ اقتصادی تاوان بوتگ ات۔ آئی ءَ گوشت کہ بجلی ءِ بحران ءَ گوں گر ءُ    چیل بوھگ ءِ واستہ مارا ترندی ءَ چہ بجلی ءِ پیداواری منصوبگ جوڑ کنگ لوٹ ایت، چین ءِ ون بیلٹ ون روڈ انیشیٹیو ءِ چیر دستی ءَ بجلی ءِ پیداوار ءِ بازیں منصوبگ جوڑ کنگ بوت، ساھیول کول پاور، تھرکول، کراچی انرجی منصوبگ بندات کنگ بوت۔ آئی ئَ گوشت کہ سی پیک ئُُ غیر سی پیک ئِ توان ئِ منصوبگ آنی تہ ئَ توان بحران ئَ چہ گر ءُ    دار کنگ ئَ کمک رستگ ایشی ئِ سبب ئَ ما 2018 ئَ زیرو لوڈ شیڈنگ یلہ داتگ۔ آئی ءَ گوشت کہ سوبمندی ءِ سفر 2013ءَ چہ 2018ءَ دیم ءَ روگ ءَ انت۔ چین ءَ پاکستان ءِ اقتصادی دیمروئی ءِ تہا مزنیں کردے پیلو کتگ ۔ بنجاھی   وزیر ءَ گوشت کہ 2018 ءَ دیمروئی ءِ شرح 5.8درسد بوتگ، مہنگائی 4درسد ءِ سر ءَ بوتگ۔ مرچی یک رندے پدا مہنگائی 6.9% ءَ اتکگ، پالیسی ءِ شرح کم کنگ بوتگ۔ آئی ءَ گوشت کہ چین ءِ سروکی، چینی سفیر ءُ    چینی کمپنی آنی شگر ءُ    منت وار آں کہ آھاں پاکستان ءِ گوما مھکمیں اسٹریٹجک شریکداری ءِ وسیلگ ءَ توان ءِ بحران ءَ چہ گر ءُ    چیل بوھگ ءُ    پاکستان ءِ اقتصادی دیمروئی ءِ تہ ءَ ھاسیں کرد پیلو کتگ۔ آئی ءَ گوشت کہ پاکستان چینی کمپنی آناں جوانیں انڈسٹریل زون پجاری کت کنت، آ ادا کمیں پیداواری لاگت ءَ چہ سیت چست کت کن انت ءُ    وتی پیداوار ءَ را پاکستان ءَ چہ ایندگر ملک آناں سر کت کن انت۔ بنجاھی   وزیر ءَ گوشت کہ 11 سال ءَ پد چین ءِ یک مزن وزیرے پاکستان ءِ تر ءُ    تاب ءَ انت، ایشی ءَ چہ نا ایوک ءَ پاکستان ءِ واستہ بلکینگ ءَ پاکستان ءِ الس ءِ واستہ ھم وشی ءِ وسیلہ انت۔ چین ءِ مزن وزیر لی چیانگ ءِ پاکستان ءِ تر ءُ تاب سک باز المی انت ۔ دوئیں ملک سی پیک ءِ آیوکیں بھر ءَ بندات کنگ ءَ اَنت، سی پیک دومی منصوبگ پاکستان ءُ    دمگ ءِ واستہ گیم چینجر بیت۔ آئی ءَ گوشت کہ پاکستان چین ءِ دوستی مئے دل آنی تہ ءَ سک باز نزیک اِنت، دوئیں ملک ءُ    خطہ ءِ اُلس آنی وشھالی مئے یکجائی مول ءُ    مراد اِنت۔ آئی ءَ گوشت کہ سی پیک دوئیں ملک آنی نیام ءَ نزیکی ءُ    آئیڈیل دوستی ءِ ثبوت انت، سی پیک نا ایوک ءَ پاکستان ءُ    چین ءِ بلکینگ ءَ سرجمیں خطہ ءِ وشھالی ءِ منصوبگ انت۔