راولپنڈی۔12اکتوبر (اے پی پی):پاکستان ءُ سعودی عرب ءِ دو نیمگیدیمپانی ی صنعت فورم ءِ ھپتمی دیوان 10اکتوبر ءَ ریاض ءَ برجم دارگ بوتگ۔ شمبے ءِ روچ ءَ پاک فوج ءِ پبلک ریلیشنز ڈیپارٹمنٹ ءِ نیمگ ءَ جاڑی بوتگیں بیان ءِ رد ءَ سئیں سلاہ بندیں اُرد آنی ڈل ءِ سروکی ءَ پاک فوج ءِ چیف جنرل جنرل محمد اویس دستگیر ءَ کتگ وھدیکہ سعودی عرب ءِ نیمگ ءَ چہ معاون وزیردیمپانی ی انجینئر طلال بن عبداللہ العتیبی ڈل ءِ سروکی ءَ کنگ ءَ ات۔ گند ءُ نند ءِ ساھت ءَ سی جی ایس ءَ شاہی سعودیدیمپانی ی فورسز ءِ صلاحیت آناں گیش کنگ ءِ واستہ پاکستان ءِ برجاھیںکمک ءِ یک رندے پدا گوشت۔ سعودی عرب ءَ چہ شرپداریں مہمان ءَ ناشرءِ ری ءِ ھلاپ ءَ جنگ ءَ پاکستان ءِ ارزشتی ایں ازمت آناں من اِت ایشی ءِ آسر آنی سر ءَ گپ ءُ تران کنگ بوت۔ فورم ءَ گوشت کہ نوکیں ٹیکنالوجی ءِ تہ ءَ ترندیں دیمروئی ءَ چہ دوئیں براتیں ملک آنی نیامءَ کلیدی صلاحیت آنی تہ ءَ دیمپانی ی صنعتی کمک ءَ را گیش گیش کنگ ءِ ضلورت بوتگ۔ اے درگت ءَ کمک ءِ برجاھیں پڑ آنی تہ ءَ پیشرفت ءِ سر ءَ چار ءُ تپاسی کنگ بوت وھدیکہ کمک ءِ نوکیں پڑ آنی سر ءَ ھم تپاک کنگ بوت۔
