اسلام آباد۔12اکتوبر (اے پی پی):ایوان ءِ سروک سینیٹر عرفان صدیقی ءَ گوشت کہ دوئیں مستریں گل آنی نیمگ ءَ آئینی ترمیم ءِ ھوالگ ءَ وتی ھیال ءُ لیکہ آنی گوما کاگد کمیٹی ءِ دیم ءَ پیش کنگ بوتگ انت گڈی کاگد 12 اکتوبر ءِ روچ ءَ بیت۔ کہ درستاں تپاکی بیت۔ شمبے ءِ روچ ءَ پرائیویٹ ٹی وی ءَ گوں تران کنان ءَ آئی ءَ گوشت کہ دیوان ءَ کمیٹی ءِ دیم ءَ دو کاگد پیش کنگ بوتگ، یکے پاکستان پیپلز پارٹی ءِ نیمگ ءَ پیش کنگ بوتگ کہ ایشی ءِ تہ ءَ جج آنی گچین کنگ ءِ کارروائی ءُ کار آنی ھوالگ ءَ سرجمیں معاملہ ھوار اَنت۔ آئینی آمیدگس ءِ سرا گپ ءُ تران کنگ بوتگ انت۔ آئی ءَ گوشت کہ اے کاگد دیوان ءَ مولانا فضل الرحمن ءَ آؤرت نہ کتگ ءُ مئے سرپدی ءَ اتکگیں بنداتی ھالانی رد ءَ مولانا فضل الرحمن ءُ تحریک انصاف یکجائی کاگد جوڑ کن انت ءُ دیم ءَ کارنت۔ عرفان صدیقی ءَ گوشت کہ مولانا فضل الرحمن ءَ پریس کانفرنس ھم کتگ ایشی ءِ تہ ءَ مفاہمت، نزیک آھگ ءُ تپاکی ءِ ھاسیں پیغام دیگ بوتگ۔ امیت انت کہ شنگھائی تعاون آرگنائزیشن ءِ پد ءَ یا ایشی ءِ وھد ءَ پیشرفت بوت کنت۔ ما چیزاں سکیں جوانیں رنگے ءَ دیم ءَ برگ لوٹیں ۔ یک جست ءِ پسو ءَ سینیٹر عرفان صدیقی ءَ گوشت کہ ایوک ءَ ڈرافٹ پروپوزل است انت کہ ایشی ءِ سر ءَ تپاکی لوٹگ بیت۔ آئی ءَ گوشت کہ مولانا فضل الرحمن ءَ ھوار درست اے گپ ءَ سرپد انت ءُ مولانا فضل الرحمن ءِ اے موقف ھم دیم ءَ اتکگ کہ ما جلدی کار مہ کن ایں ءُ آ اے ھم گشیت کہ ھچ وڑیں بے وسی ءِ دیر کنگ مہ بیت۔ مولانا فضل الرحمن یک زانتکاریں سیاستدان انت آئی ءَ توامیں جیڈھ آناں سرپد بیت کہ اے ترمیم پرچا المی انت۔
