اسلام آباد۔12اکتوبر (اے پی پی):کشمیر ءُ گلگت بلتستان ءِ بنجاھی وزیر ءُ سیفران انجینئر امیر مقام ءَ گشتگ کہ ایس سی او ءِ سروک دیوان ءِ موہ ءَ تحریک انصاف ءِ نیمگ ءَ زھرشانی ءِ جار راجی ءِ ھلاپ ءَ انت۔ پاکستان شمبے ءِ روچ ءَ بنجاھی وزیر انجینئر امیر مقام ءَ شنگھائی تعاون آرگنائزیشن ءِ دیوان ءِ موہ ءَ پی ٹی آئی ءِ نیمگ ءَ زھرشانی ءِ جار ءِ سر ءَ تچکیں رد عمل ءِ تہ ءَ گوشت کہ ایس سی او ءِ ھاسیں دیوان ءِ موہ ءَ بلے زھرشانی ءِ جار ءَ چہ اے گپ پدر بیت۔ تحریک انصاف ءِ عزائم۔امیر مقام ءَ گوشت کہ تحریک انصاف ءَ یک رندے پد ءَ وتی راستیں دیم پیش داشتگ شنگھائی کوآپریشن آرگنائزیشن ءِ دیوان پاکستان ءِ واستہ سک باز ھژدری انت شما پاکستان ءِ کجام نام ءَ پیش کنگ لوٹ ات انت۔ اولی رند ءَ آیاں چین ءِ صدر ءِ تر ءُ تاب مہتل کتگ، نوں آ ایس سی او ءِ دیوان ءَ سبوتاژ کنگ لوٹ اَنت، ہر حال ءَ اے موہ ءَ زھرشانی ءِ اجازت دیگ نہ بیت، زھرشانی ءِ جار مذمت ءُ سکیں غمناکیں گپے آئی ءَ گْوشتگ کہ زھرشانی ءُ جلسہ جلوس بوت کن اَنت۔ دگہ وھد ءَ برجم دارگ بیت، عمرانی فتنہ مدام درائیں ایجنڈا ءِ سر ءَ ملک ءَ آشوب پیداک کنگ ءِ جھد ءَ اِنت۔
