اسلام آباد۔12اکتوبر (اے پی پی):مزن وزیر محمد شہباز شریف ءَ شمبے ءِ روچ ءَ جناح کنونشن سنٹر ءِ تر ءُ تاب کتگ ءُ شنگھائی کوآپریشن آرگنائزیشن ءِ حکومت ءِ سروک آنی دیوان ءِ بندوبست آنی سر ءَ چار ءُ تپاسی کتگ ءُ دیوان ءِ بندوبست آنی سر ءَ دل یکیمی ءِ درشانی کتگ۔ . شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جناح کنونشن سینٹر ءِ تر ءُ تاب ءِ موہ ءَ مزن وزیر ءَ را چیئرمین سی ڈی اے ءُ وزارت ءِ درئی کار ءِ کارندہ آنی نیمگ ءَ بریفنگ دیگ بوت۔ مزن وزیر ءِ ھمراھی ءَ نائب مزن وزیر ءُ درئی کارانی وزیر اسحاق دار، منصوبگ بندی ءِ وزیر احسن اقبال، اھوالکاری ءُ نشریات ءِ وزیر عطا اللہ تارڑ ءُ ھمگرنچیں مزنیں کارندہ ھم مزن وزیر ءِ ھمراھی ءَ اتک اَنت۔ مزن وزیر ءَ شنگھائی کمکی گل ءِ ساھت ءَ حکومت آنی سروک دیوان ءَ انتظامی آنی بست ءُ بند آنی ھوالگ ءَ دل یکیمی ءِ درشان کتگ۔
