اقوام متحدہ ءِ تہا پاکستان ءِ دائمی نمائندہ منیر اکرم ءَ لوٹ کتگ کہ سلامتی کونسل   بھارت ءَ را  ایٹمی سامانانی دُزی ءُ ناجائزیں وڑے ءَ بہا کنگ ءِ سرجمیں پٹ ءُ پول کنگ بہ بیت

اقوام متحدہ ۔10اکتوبر  (اے پی پی):پاکستان ءَ اقوام متحدہ ءِ سلامتی کونسل ءَ چہ لوٹ کتگ کہ آ ہمساہگیں ہندوستان ءَ ایٹمی ءُ   ایندگر تابکاریں سامان آنی بار باریں دزی ءُ   ناجائزیں بہا کنگ ءِ وئیل آنی سر ءَ سرجمیں پٹ ءُ   پول ءَ بہ کنت۔ بھارتی میڈٰا  ءِ یک استیں رپوٹے ءَ گوشگ بوتگ کہ پولیس ءَ ریاست    بہار ءِ  ضلع  گوپال گنج ءَ  سئے شپوک آں چہ  گران بھائیں کیلیفورنیم  سٹون ءِ   گوما  دزگیر  کتگ  ایش   باز ایٹمی تابکار یں چیز انت ءُ  میاں اوستمانی مارکیٹ ءَ  ایشی ءِ   نیاد  باز  گران  قیمت انت۔   اقوام متحدہ ءِ تہا پاکستان ءِ دائمی نمائندہ منیر اکرم ءَ سلامتی کونسل ءِ نیمگ ءَ جوڑ کتگیں کمیٹی ءَ گوں تران کنان ءَ گشتگ کہ مئے ہمساہگیں ملک ءَ ءُ   2018 ءَ ایٹمی ءُ   ایندگر تابکاریں چیزانی دزی ءُ   ناجائزیں بہا کنگ ءِ بار باریں وئیلانی سرا سلامتی کونسل ءَ را سک باز پریشان بوھگ  لوٹیت۔ وتی قرارداد 1540 ءِ رد ءَ اقوام متحدہ ءِ باسکیں ملک آناں چہ لوٹ کنت کہ آ مزنیں کساسے ءَ تباہی ءِ سلاہانی شنگ ءُ تالان ءِ دیم ءَ دارگ ءِ ھاترا ھاسیں گامگیج بہ زور اَنت آئی ءَ گوشت کہ نوکیں وئیل ءَ یک گلے ءِ مزنیں کساسے ءَ سکیں تابکار ءُ زھرناکیں کیلیفورنیم ءِ شنگ ءُ تالان کنگ بوتگ۔ غیر قانونی طور ءِ سرا آئی ءِ قبضہ ءَ دست کپتگ ات کہ ایشی ءِ مالیت 100 ملین ڈالر ات۔ آئی ءَ گیش گوشت کہ 2021 ءَ ھم بھارت ءَ کیلیفورنیا ءِ دُزی ءِ سئے وئیل گندگ بوتگ اَنت۔ منیر اکرم ءَ اے گپ ءِ سر ءَ زور پر دات کہ اے وئیل حساسیں سامان آنی واستہ سیاہ بازار ءِ ھست بوھگ ءِ نشانی انت۔پاکستانی نمائندہ ءَ گوشت کہ دوہمی کارمرد ءِ ٹیکنالوجی آنی پرامن کارمردی ءِ واستہ ریاست آنی ھک غیر ریاستی کارکن آناں حساسیں سامان آنی گرگ ءَ چہ رکین ایت۔ ءُ برآمدات ءِ کنٹرول ءِ نظام ءِ تہا یک متوازنیں نقطہ نظر ءِ ضلورت انت کہ اے گپ ءَ پدر بہ کنت کہ آ جبر یا تبعیض ءِ وسیلہ ءِ دروشم ءَ کارمرز کنگ مہ بنت۔ قرارداد 1540 ءِ رد ءَ سلامتی کونسل ءِ لوٹ اِنت کہ درستیں ریاست کہ جوہری، کیمیائی یا زیستی سلاہ ءِ دیمروئی کنگ ءَ اَنت، زرتگ، دارگ ءَ اَنت، ٹرانسپورٹ کنگ ءَ اَنت یا کارمرز کنگ ءِ کوشست ءَ کنگ ءَ اَنت آ وتی رسگ ءِ وسیلہ ءَ غیر ریاستی کارکناں بہ دنت , خاص طور ءَ چہ رسگ ءَ بہ رکّین اَنت۔ ناشرکاری ءِ مول ءُ مراد ءِ ھاتر ءَ ھرچ وڑیں حمایت ءِ ھاتر ءَ ۔ قرارداد ءِ تہ ءَ درستیں ریاست آناں لوٹ کنگ بوتگ کہ آ اے درگت ءَ ھما ھساب ءَ کانود جوڑ بہ کن اَنت ءُ   ایشی ءِ سر ءَ عمل بہ کن اَنت ءُ   ھمے رنگ ءَ اے سلاھ ءُ   غیر ریاستی کارکن آنی نیمگ ءَ چہ ایشانی سر کنگ ءِ وسیلگ آنی شنگ ءُ   تالان کنگ ءَ را ھم ھاسیں رنگ ءَ ناشرکاری ءِ مول ءُ   مراد آنی واستہ دیم ءَ بہ دار اَنت۔ وتی گپانی تہ ءَ پاکستانی نمائندہ منیر اکرم ءَ کمیٹی ءَ را گوشت کہ پاکستان ءَ یک زمہ واریں ایٹمی طاقت ءِ بستار ءَ قرارداد 1540 ءِ رد ءَ وتی ذمہ واری آنی سر ءَ جوانیں رنگ ءَ پیلو کتگ۔ آئی ءَ گوشت کہ پاکستان ءَ اقوام متحدہ ءِ سلامتی کونسل ءِ قرارداد 1540 ءِ سر ءَ عمل کنگ ءِ واستہ وتی کوشست آناں تفصیل ءِ تہ ءَ شش سرجمیں رپورٹ پیش کتگ، ایشی ءِ تہ ءَ یک سرجمیں میٹرکس ءِ پیش کنگ، نیشنل پوائنٹ آف کنٹیکٹ ءِ گچین کنگ، رضاکارانہ راجی ایشی ءِ تہ ءَ ایکشن پلان ءِ منظوری، ٹیکنیکل 2019 ءِ پھجارینگ ھوار اِنت۔ منوگری ءِ  برجا کنگ  ءِ تہا کمک کنگ ءِ ھاتر ءَ بازیں ملکاں کمک کنگ ، ءُ   دمگی کمک ءِ دیمروئی ، ایشی ءِ تہا قرارداد 1540 ءِ نفاذ ءِ بابت ءَ دمگی سیمینار ءِ برجم دارگ ھوار انت کہ جوانیں رھبند ءُ   راجی تجربگاں شریک کنگ بہ بیت۔ آئی ءَ گوشت کہ پاکستان ءِ ھیال اِنت کہ 1540 کمیٹی ءَ را گنجائش سازی ءُ   رضاکارانہ کمک ءِ سر ءَ دلگوشی دیگی اِنت ءُ   ریاست آناں گیش ھاسیں کمک ءِ پیشکش ءُ   لوٹ آنی جمع کنگ ءِ ھاترا کمک ءِ میکانزم ءَ را گیش گہتر کنگ لوٹ ایت۔