جان سلامتی اللہ تعالیٰ ءِ نعمت اِنت، ایشی ءِ واستہ جان سلامتیں ذہن المی اِنت، کہ آ انسان ءَ را جیڑگ، سرپد بوھگ ءُ جوڑ کنگ ءِ توان ءَ بہ دنت، راجی اسمبلی ءِ اسپیکر سردار ایاز صادق

اسلام آباد۔10اکتوبر  (اے پی پی):راجی اسمبلی ءِ اسپیکر سردار ایاز صادق ءَ گوشت کہ جان سلامتی اللہ تعالیٰ ءِ مزنیں نعمت انت ایشی ءِ واستہ جان سلامتیں ذہن المی انت کہ آ مردم ءَ را جیڑگ، سرپد بوھگ ءُ   جوڑ کنگ ءِ صلاحیت ءَ دنت۔ اے ھیالانی درشانی آئی ءَ پنچ شمبے ءِ روچ ءَ جھان ءِ ذہنی جان سلامتی ءِ روچ ءِ درگت ءَ وتی کلوہ ءِ تہ ءَ کت۔ آئی ءَ گوشت کہ جھان ءِ جان سلامتی ءِ ادارگ ءِ رد ءَ دگنیا ءَ یک ارب ءَ چہ گیش مردم ذھنی نادراھیانی آماچ اَنت کہ ایشی ءِ مستریں سوب ناانصافی، بد رھبند، تہنائی، بے رواداری، بے تاھیری، بے روزگاری، گریبی، نا مناسبیں درمان ءُ دگہ بازیں نادراھی اَنت۔ گشتگ کہ فلسطین ءَ برجاھیں اسرائیل ءِ زوراکی ءِ سبب ءَ فلسطینی برات ءُ گہار دگہ جیڑھانی ھوار ءَ مدام ذہنی ٹارچر ءِ آماچ انت ءُ ھمے رنگ ءَ مقبوضہ جموں ءُ کشمیر ءَ ھندی زوراکی ءُ انسانی ھکانی لگتمالی ءِ سبب ءَ منفی اثرات دیم ءَ آیگ ءَ انت۔ سپیکر ءَ  گوشت کہ دماگی نادراھی  ءِ  شنگ ءُ تالان  بوھگ ءَ را گر ءُ دار ءِ واستہ  جوانیں ءُ  الکاپیں  گامگیج آناں  وھد ءُ موہ ءَ  ارزشتی  ایں ضلورت ات۔  جان سلامتیں  دماگ  ءَچ ہ دیمروئی کنوکیں ملک ءِبنیات  ایر بیت۔  آئیءَ گوشت کہ ناں ایوک  ءَ  لس  رنگ ءَ  بلکینگ ءَ کار ءِ جاہ آناں  الکاپیں چاگرد  دماگی  نادراھی ءُ پریشانی  ءَ را کم  کن گءَ کمکار  سہرا بوت کن اَنت۔    آئی ءَ گوشت کہ جان سلامتی  پاکستان مئے مشن  انت،  اللہ پاک   ءِ کمک ءَ چہ   یک مشتی  کوشست ءَ چہ زوت اے مشن ءَ   کامیاتی     در جناں۔