چین ءِ مزن وزیر ءِ اوست   کتگیں  تر ءُ تاب پاکستان ءِ ھاتر ءَ یک ھاسیں موہ  اِت

اسلام آباد۔10اکتوبر  (اے پی پی):چین ءِ مزن وزیر ءِ تر ءُ   تاب ءَ چہ پیسر دوئیں ملک آنی نیام ءَ جتا جتائیں پڑ آنی تہ ءَ کمک ءَ را گیش گہتر کنگ ءِ واستہ یک سرجمیں ایکشن پلان ءِ تیاری کنگ بیت۔ تر ءُ   تاب ءِ ساھت ءَ نوکیں معاہدہ ءُ   منصوبگ آنی سر ءَ دستخط کنگ ءِ واستہ ، ایشی ءَ چہ سی پیک ءَ را نوکیں بالاد ءَ سر کنگ ءَ کمک رسیت حکام ءِ رد ءَ گوستگیں روچ ءَ منصوبگ بندی ، دیمروئی ، اصلاحات ءُ   ھاسیں گامگیج آنی بنجاھی  وزیر پروفیسر احسن اقبال ءَ جتا جتائیں پڑ آنی تہ ءَ کمک ءَ را دیمروئی دیگ ءِ واستہ یک ھاسیں دیوان ءِ سروکی کت۔ ءُ چین ءِ مزن وزیر ءِ متوقع تر ءُ تاب ءِ رد ءَ یک مشترکہ منصوبہ ءِ فیصلہ کنگ ءِ ھاتر ءَ ۔ اے گند ءُ   نند ءَ چین پاکستان اقتصادی راہداری ءِ چیر دستی ءَ جاری منصوبگ آنی دیمروئی ءِ سر ءَ چار ءُ   تپاسی کنگ بوت ءُ   دوئیں ملک آنی نیام ءَ یکوئی ءَ را مھکم کنگ ءِ سر ءَ زور پر دیگ بوت گیا، سی پیک ءِ جتاجتائیں منصوبگ آنی تہ ءَ برجائی ءِ سر ءَ سرجمی ءَ چار ءُ   تپاسی کنگ بوت۔ کہ توانائی، انفراسٹرکچر، ءُ صنعتی زون ءِ دیمروئی ءَ ھوار ات۔ پروفیسر احسن اقبال ءَ گوشت کہ چین ءِ گوما کشت ءُ   کشاری، ٹیکنالوجی، ءُ   صنعت ءَ ھوار جتا جتائیں پڑ آنی تہ ءَ کمک ءَ را گیش مھکم ءُ   گہتر کنگ ءِ واستہ یک جامع منصوبگ ءِ جوڑ کنگ بیت تانکہ دوئیں ملک دمگ ءَ اقتصادی دیمروئی ءُ   برجائی ءِ واستہ یکجائی ءَ کار بہ کن اَنت۔ سی پیک ءِ دومی بھر ءِ چیر دستی ءَ ملک ءَ گیش ءَ چہ گیش سرمایہ کاری ءُ   جاری منصوبگ آنی وھد ءِ سر ءَ سرجمی ءَ را دل یکیمی کنگ پاکستان ءِ دیمروئی ءِ واستہ سک باز المی اِنت۔ سی پیک ءِ دومی بھر ءَ صنعتی دیمروئی، کشت ءُ   کشاری، ٹیکنالوجی، ءُ   چاگردی ءُ   اقتصادی کمک ءِ سر ءَ دلگوشی دیگ بوتگ کہ ایشی ءَ چہ ملک ءِ معیشت ءَ را دراجیں مدتی نپ رس ایت ھمے وھد ءَ صنعتی دیمروئی ءِ سر ءَ ھم ھاسیں دلگوشی دیگ بوھگ ءَ اِنت۔ احسن اقبال ءَ گوشت کہ اے بھر ءِ تہ ءَ ھاسیں اقتصادی زون آناں دیمروئی دیگ یک کلیدی مول ءُ   مراد ءِ اِنت، ایشی ءَ چہ درملکی سرمایہ کاری ءِ واستہ گیش موہ رس ایت۔