اسلام آباد۔ 10 اکتوبر (اے پی پی) صدر مملکت آصف علی زرداری پاکستان اٹی رہینگوک چینی شاری تا رکھ و سلامتی ءِ پک کننگ کن پاکستان نا عزم انا درشانی ءِ کرسا پارینے کہ کراچی ٹی دہشت گردی نا دا گندہ انگا ڈوہ انامرتکب بندغ آتے عدالت نا مون آ اتنگک، دشمن زموار آتا لغور انگا کارروائیک سنگت آتا نیام اٹ سنگتی نا بندھن ءِ نزور کننگ کپسہ۔ ایوان صدر نا پریس ونگ انا رداٹ صدر مملکت آصف علی زرداری پنچ شنبے نادے آ چین نا سفارت خانہ نا دورہ ءِ کرے۔ صدر مملکت چین نا پاکستان اٹ سفیر جیانگ زئے دونگ تون اوڑدہی کرے۔صدر مملکت 7 اکتوبر آ دہشت گردانہ جلہواٹی چینی شاری تا زوال کننگ آ پاکستانی حکومت و الس نا کنڈآن ہڑزخواہی نا درشانی ءِ کرے۔ صدر مملکت آصف علی زرداری ڈکھیائی نا ساہت اٹی چینی ایلم و ایڑھ تتون یکجہتی نا درشانی ءِ کرے۔ اوپارے کہ چینی حکومت و الس ناپاکستان نا راجی و اقتصادی شونداری ٹی اہم ءُ کڑ داسے، ہڑتوم آملک آتا دشمن ہڑتوم آریاست آتا نیام اٹ ودوک آ شریداری ءِ ہُننگ کپسہ۔
