پشاور۔ 10 اکتوبر (اے پی پی) بنجائی وزیر داخلہ محسن نقوی و گورنر خیبرپختونخوا فیصل کریم کنڈی نا کماشی ٹی اہم سلابتی دیوان پنچ شنبے نادے آ گورنر ہاؤس پشاور اٹی اڈ ہلک ہراٹی امن کن ہرممکن کڑد ادا کننگ نا امنائی فیصلہ مس۔ ترجمان وزارت داخلہ نا رداٹ پنچ شنبے نادے آ بنجائی وزیر داخلہ محسن نقوی پشاور دورہ ٹی گورنرہاؤس آ ہنا ہراڑے اہم سلابتی دیوان اڈ ہلک۔ دیوان اٹی بنجائی وزیر امیر مقام، صدر اے این پی ایمل ولی خان ، میاں افتخار، قومی وطن پارٹی نا سکندر حیات شیرپاؤ تون اوار ایلو سیاسی سرکڑدہ غاک بشخ ہلکر۔ دیوان اٹی صوبہ خیبرپختونخواٹی امن نا بابت سلابت مس، دیوان اٹی آئی جی ، چیف سیکرٹری خیبرپختونخوا و کمانڈنٹ ایف سی ئسک ہم بشخ ہلکر۔

متعلقہ مضامینمصنف کی طرف سے مزید