چین پاور ریسورسز ءُ پورٹ قاسم پروجیکٹ ءِ چیئرمین آنی سروکی ءَ ڈل ءِ بنجاھی  وزیر احسن اقبال ءِ گوما گند ءُ نند ءَ چینی کارندہ آنی سر ءَ اُرش ءُ  باسک  آنی جان سلامتی ءِ ھوالگ ءَ جیڈھ آنی سر ءَ گپ ءُ تران کنگ بوتگ

اسلام آباد۔10اکتوبر  (اے پی پی):بنجاھی  وزیر  منصوبگ بندی، دیمروئیءُ ھاسیں گامگیج  احسن اقبال    ءَ  پنچ شمبے  ءِ ڑوچ ءَ  چائنا پاور ریسورسز  ءِ چیئرمین  ژونگ  ہائشیانگ ءُ  پورٹ قاسم پراجیکٹ  ءِ چیئرمین  ہی شیویو ءِ سروکی ءَ  ڈل ءَ گند ءُ نند کت ءُ دو  روچ ءَ چہ پیسر   کراچی ءَ چینی کارندہ آنی سر  ءَ بوھوکیں   ارش ءُ باسک آنی رکھینگ ءِھوالگ ءَ  ھیال  ریچی  کنگ بوت۔   احسن اقبال ءَ اے وئیل ءِ سر ءَ دلپدردی ءِ درشان کنان ءَ بیران بوتگیں چینی اہلکار آنی کھول آنی گوما دلپدردی ءِ درشانی کت ءُ   پاکستان حکومت ءِ نیمگ ءَ دل ءِ جہلانکی ءَ چہ دلپدردی ءِ درشانی کت۔ آئی ءَ ڈل ءَ را دل یکیمی دات کہ حکومت چینی شہری آنی جان سلامتی ءَ را اولیت دنت، اے وئیل ءِ سرجمیں پٹ ءُ   پول بنجاہی انتظامیہ ءُ   کانود ءِ نفاذ ءِ ادارگ آنی نیمگ ءَ کنگ بوھگ ءَ انت ءُ   زمہ وار زوت انصاف ءِ دیم ءَ آرگ بنت۔ آئی ءَ اے گپ ءِ سر ءَ زور پر دات کہ چینی کارندہ آنی سیکورٹی ءِ تہ ءَ ھچ وڑیں لاپروائی برداشت کنگ نہ بیت، سیکورٹی ءِ نظام ءَ را گیش تنگ کنگ ءِ واستہ گامگیج کنگ بوھگ ءَ اِنت، اے موہ ءِ سر ءَ منصوبگ بندی ءِ سیکرٹری اویس  منظور سمرا، جوائنٹ چیف اکانومسٹ ظفرالحسن ءُ   وزارت  منصوبگ بندی ، سی پیک منصوبگ ءِ ایندگر مزنیں کارندہ ساڑی اتنت۔  دوئیں نیمگ ءَ سی پیک ءِ چیر دستی ءَ جاری منصوبگ آناں سوبمندیں رنگ ءَ سرجم کنگ ءُ   وت مہ وتی کمک ءَ را گیش دیمروئی دیگ ءِ واستہ وتی جزم ءِ پدا زور دات۔