اسلام آباد۔ 10 اکتوبر (اےپی پی) صدر مملکت آصف علی زرداری 10 و11 اکتوبر آ ترکمانستان نادورہ ءِ کیک۔ ترجمان دفتر خارجہ نا کنڈآن جاری بیان نا رداٹ صدر مملکت اشک آباد اٹی اڈ ہلوک آ ’’ وقت اور تہذیب کے باہمی تعلقات۔ امن اور ترقی کی بنیاد‘‘ نا سرحال آ جہانی فورم اٹی بشخ ہلنگ کن ترکمانستان نا دورہ ءِ کیک، جہانی فورم ءِ ترکمانستان نا عظیم مفکر، شاعر و فلسفی مگتیمگلی فراگی نا 300می ودی دے انا وخت آ اڈتننگ انگ ءِ۔ بیان نا رداٹ فورم اٹی صدر آصف علی زرداری ڈیہہ اکن امن، سیوت و شونداری نا قدر انااہمیت ءِ تالان کیک۔ اومیت ءِ کہ او فورم نا وخت آ ترکمان سرکڑدہ غاتون ہڑتوم آ کنڈآتا اوڑدہی ہم کیک۔
