صدر آصف علی زرداری ءَ شاہزیب خان ءَ را ورلڈ کراٹے کامبیٹ چیمپئن شپ ءِ  باج برگ  پد  ءَ  مبارکی دات،  جوانیں کامیاتی  ءِ پد ءَ  10کروڑ کلدار ءِ چیک دات

اسلام آباد (اے پی پی) صدر ءِ مملکت آصف علی زرداری ءَ شاہ زیب خان ءَ را سنگاپور ءَ ورلڈ کراٹے کامبیٹ چیمپئن شپ ءِ  باج برگ  ءِ پد ءَ مبارک بات داتگ۔ چار شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ   صدر آصف علی زرداری ءُ  بلوچستان ءِ سر وزیر میر سرفراز بگٹی ءَ شاہزیب خان ءَ را آئی ءِ جوانیں کامیابی ءِ پد ءَ 10کروڑ کلدار ءِ چیک  داتگ۔ صدر ءِ مملکت ءَ شاہزیب خان ءِ سنگاپور ءَ کراٹے ءِ لیب ءَ ملک ءِ نام ءَ را  سہرا  کنگ ءِ پد ءَ   توسیپ کت ءُ  گوشت کہ بلوچستان ءِ ورنا آنی تہ ءَ بے دروریں ٹیلنٹ است انت ۔ آواناں   موہ دیگ لوٹ ایت۔ آئی ءَ گوشت کہ لیب ءُ گوازی ءِ پڑ ءَ ورنا آنی دلبڈی کنگ المی انت۔ صدر ءِ مملکت ءَ امیت سہرا کت کہ شاہ زیب خان آیوکیں وھد ءَ ھم ملک ءِ واستہ گیشاں چہ گیش کامیاتی در جنت۔