جنوب مغربی ایشیا ءُ میان استمانی ایشیا ءِ مارکیٹ آنی تہ ءَ پاکستانی دوا ءُ درمان آنی لوٹ ءُ گزر گیش بوتگ، جام کمال خان

اسلام آباد۔9اکتوبر (اے پی پی): بنجاھی وزیر تجارت جام کمال خان ءَ گوشت کہ جنوب مغربی ایشیا ءُ  میاں اوستمانی ایشیا ءِ مارکیٹ آنی تہ ءَ پاکستانی دوائی آنی چیز آنی لوٹ گیش بوتگ، برآمدات ءَ گوں ھوالگ ءَ توامیں شوبگ آنی تہ ءَ جیڈھ زوت گیش ءُ گیوار کنگ بنت۔ اے ھیالانی درشانی آئی ءَ چار شمبے ءِ روچ ءَ پاکستان فارماسیوٹیکل مینوفیکچررز ایسوسی ایشن ءِ ڈل ءَ گوں گند ءُ نند ءَ کت۔ گند ءُ  نند ءَ دوائی آنی شوبگ ءَ چیلنج آنی سر ءَ ھیال ریچی کنگ بوت ءُ دوائی آنی برآمد ءِ تہ ءَ گیشی ءِ واستہ حکومتی کمک ءِ سر ءَ ھیال ریچی کنگ بوت۔ انجمن ءِ چیئرمین ءَ گوشت کہ پاکستان ءِ دوائی آنی پیداوار ءِ 95درسد بومی انت ایشی ءِ تہ ءَ ایوک ءَ 5درسد درآمد کنگ بوھگ ءَ انت ایشی ءَ چہ برآمدات ءِ تہ ءَ گیشی ءِ واستہ مزنیں موہ ءِ نشانی انت۔ آئی ءَ گوشت کہ پاکستان ءِ دوائی آنی برآمد کنگ ءِ کساس اے وھد ءَ 341ملین ڈالر انت بلے حکومتی کمک ءِ گوما اے کساس بازیں ارب ڈالر ءَ سر بوت کنت۔ آئی ءَ اے نوآبادیاتی ءِ رد ءَ کار کنوکیں شوبگ ءِ دیمروئی ءِ واستہ فارما ایکسپورٹ پروموشن کونسل ءِ یک مرکزی ادارگ ءِ رنگ ءَ جوڑ کنگ ءِ تجویز داتگ۔ بنجاھی  وزیر کامرس ءَ پی پی ایم اے ءِ ڈل ءَ را دلبڈی دات ءُ  برآمدات ءَ را گیش کنگ ءِ واستہ ٹوھیں شور ءُ مشو آنی گوما آیگ ءِ لوٹ کت۔ جام کمال خان ءَ گوشت کہ وزارت تجارت ایکسپورٹ ڈویلپمنٹ فنڈ ءِ وسیلگ ءَ المی ئیں کمک ءَ کنت۔