ہندی وڑاٹ پولیو ویکسین نا تیاری کن یونیسیف نا کمک درکار ءِ، وزیراعظم نا کوآرڈی نیٹر جان جوڑی

اسلام آباد۔ 09 اکتوبر (اے پی پی) وزیراعظم نا کوآرڈی نیٹر جان جوڑی ڈاکٹر مختاراحمد بھرتھ پارینے کہ ہندی وڑاٹ پولیو ویکسین نا تیاری آن ملک انا نہادی زرمبادلہ بچت مریک، پولیو ویکسین نا تیاری کن یونیسیف نا کمک درکار ءِ۔ وزارت جان جوڑی نا کنڈآن جاری بیان نا رداٹ داخیال آتا درشانی ءِ او یونیسیف سپلائی چین ڈویژن نا ڈائریکٹر تون گپ وتران کرساکرے ہرا چارشنبے نادے آ داڑے اوڑتون اوڑدہی کرے۔ اوڑدہی ٹی جان جوڑی نا بشخ و پولیو ویکسین نا پروکیورمنٹ آ ہم گپ وتران کننگا۔ اوڑدہی ٹی ڈاکٹر مختار احمد بھرتھ داعزم انا درشانی ءِ کرے کہ پولیو ویکسین نا فراوانی بے سلنگ آن برجاسلک۔ اوپارے کہ پاکستان اٹی ہندی وڑاٹ پولیو ویکسین نا تیاری ٹی یونیسیف نا کمک درکارءِ۔ ہندی وڑاٹ ویکسین نا تیاری آن نئے بیرہ مچ آملک اٹی ویکسین نا گرج ءِ پورو کننگ مریک بلکن دا گام آن ملک انا نہادی زرمبادلہ بچت مریک۔ داوخت آ ڈائریکٹر یونیسیف پارے کہ پاکستان اٹ ہندی وڑاٹ ویکسین نا تیاری ٹی یونیسیف کمک فراوان کیک۔ پرائیویٹ سیکٹر نا لائخی و کاریم نا کچ ءِ ودفنگ کن ٹیکنیکل سپورٹ ہم فراوان کننگک۔