صدر آصف علی زرداری ءَ کاروباری برات آنی   سر ءَ زور پر دات کہ آ اسٹاک ایکسچینج ءَ سرمایہ کاری بہ کن اَنت، سود ءِ شرح ءَ را  گہتر جوڑ  بہ کن اَنت، برآمدات آنی  بڈوئیں  صنعت آنی کمک ءَ بکن انت

اسلام آباد۔8اکتوبر  (اے پی پی):راجی معیشت ءَ را گہتر کنگ ءِ ھاتر ءَ صدر آصف علی زرداری ءَ سود ءِ شرح ءَ را گیش معقول جوڑ کنگ ءِ وسیلگ ءَ کاروبار ءِ ھاتر ءَ سازگاریں چاگرد ءِ پجارینگ ءِ سر ءَ زور پر داتگ ءُ  برآمدات ءِ سر ءَ مبنی صنعت آناں دیمروئی دیگ ءِ سر ءَ زور پر داتگ کہ آ۔ فیڈریشن آف پاکستان چیمبرز اینڈ کامرس اینڈ انڈسٹری ءِ ایکسیلنس ایوارڈز ءِ مراگش ءَ تران کنان ءَ ملک ءِ اسٹاک ایکسچینج ءَ سرمایہ کاری ءَ ابید ھما صنعت آنی سر ءَ دلگوشی دیگ بہ بیت کہ آ کسانیں ءُ  میاں اوستمانی ادارگ آنی کمک ءَ کن اَنت۔ مراگش ءَ کاروباری برات ءِ باسک ءُ  حکومت ءِ مزن مزنیں حکام ءَ بہر زرت اے موہ ءِ سر ءَ صدر ءِ مملکت ءَ گوشت کہ مزنیں شرح سود ملک ءِ معیشت ءُ کاروبار آنی واستہ نپ نہ انت آئی ءَ گوشت کہ حکومت ءَ را کاروباری چست ءُ  ایر آناں کم کنگ ءِ سر ءَ ھیال ءُ  لیکہ کناں۔ پہ پالیسی ئے شرح آئی ءَ گوشت کہ ملک ءَ را اقتصادی چیلنج آناں چہ در کنگ ءِ واستہ یک جامع حکمت عملی ءِ ضلورت اِنت صدر ءَ وتی پیسریگیں حکومت ءِ حوالہ ءَ اے گپ ءِ سر ءَ زور پر دات کہ سیکورٹی چیلنج ءُ  ناشرکاری ءِ ھلاپ ءَ جنگ ءِ باوجود برآمدات ءِ سر ءَ مبنی صنعت آنی کمک ءُ  پھجارینگ ءِ آئی ءِ اقتصادی پالیسی دیمروئی کتگ۔ کم لاگت ءِ توانائی ءِ سبب ءَ ملک ءِ برآمدات ءِ تہ ءَ گیشی بوتگ صدر ءِ مملکت ءَ گوشت کہ ارزانیں بجلی، زمین ءُ  اے دگہ آسراتی آنی پجاری ءِ واستہ گامگیج چست کنگ بہ بنت تانکہ تجارت ءُ  صنعت ءِ دیمروئی ءَ را کمک رسیت۔ آئی ءَ کاروباری برات ءَ را زور پر دات کہ آ ملک ءِ اقتصادی مٹ ءُ  بدلی ءِ واستہ سرگرمیں کرد پیلو بہ کن اَنت۔ صدر ءِ مملکت ءَ ایف پی سی سی آئی ءِ توسیپ کت کہ آئی ءَ ملک ءِ مزنیں کاروباری ادارگ آناں ایکسیلنس ایوارڈ داتگ تانکہ جان سلامتی ءِ مقابلہ ءِ دلبڈی دیگ بہ بیت۔ آئی ءَ ایف پی سی سی آئی ءَ را زور پر دات کہ آ وتی ارزشتی ایں ان پٹ ءَ را پجارینگ ءَ کمک بہ کنت تانکہ برآمدات ءَ را دیمروئی بہ دنت ءُ  ملکی صنعت آناں دلبڈی بہ دنت۔ ایف پی سی سی آئی ءِ صدر عاطف اکرام شیخ ءَ گوشت کہ اقتصادی چیلنج آناں موہ آنی تہ ءَ بدل کنگ بوھگ ءَ انت گروپ ءِ سروک ڈاکٹر گوہر اعجاز ءَ گوشت کہ ملک ءِ معیشت گہتر بوھگ ءَ انت۔ آئی ءَ گوشت کہ کاروباری برات ملک ءِ برآمدات ءَ را گیش کنگ ءِ واستہ کوشست کنگ ءَ انت صدر ءِ مملکت ءَ کاروباری برات ءِ باسک آناں جوانیں کارکردگی ءُ  معیشت ءِ تہ ءَ کرد ءِ سر ءَ 12می ایکسیلنس ایوارڈ ھم بھر ءُ  بانگ کت۔