بنجاھی  دارالحکومت ءَ غیر  کانودی  ہاؤسنگ سوسائٹی ءُ   تجاوزات ءِ ھلاپ ءَ کارروائی  کنگ ءِ پنت   ءُ شون

اسلام آباد۔8اکتوبر  (اے پی پی): بنجاھی  تہی کار   ءِ وزیر محسن نقوی ءَ بنجاھی  دارالحکومت ءَ چہ غیر قانونی ہاؤسنگ سوسائٹی ءُ   تجاوزات ءِ ھلاپ ءَ بے  چک ءُ پد  ءَ  کارروائی ءِ پنت ءُ شون  داتگ۔ آ سئے شمبے ءِ روچ ءَ سی ڈی اے ءَ دیوان ءَ گوں گشتانک دیگ ءَ ات۔ گند ءُ نند ءَ سی ڈی اے ءِ چیئرمین محمد علی رندھوا ءُ سی ڈی اے ءِ ایندگر محکمہ آنی کارندہ ساڑی اتنت۔  وزیر تہی کار   محسن نقوی ءَ گوشت کہ اسلام آباد شہر ءَ را ناجائزیں جوڑیشت ءُ   تجاوزات ءَ چہ پاک دارگ ءِ واستہ گامگیج زورگ ءَ ھچ وڑیں نرمی کنگ مہ بیت۔ آئی ءَ گوشت کہ کمشنر اسلام آباد ءُ   کمشنر راولپنڈی ءَ را ڈائسپورا ءِ گر ءُ   دار ءِ واستہ یکجائی ءَ کار کنگ لوٹ ایت وزیر تہی کار   ءَ اسلام آباد ءُ   راولپنڈی انتظامیہ ءَ را سیمسر ءِ دمگ آنی نیام ءَ ھمگرنچی ءَ را گیش گہتر کنگ ءِ پنت ءُ شون  کتگ ءُ   گوشت کہ جڑواں شہر آنی انتظامیہ ءَ را یکجائی ءَ گوں گند ءُ   نند کنگ بہ بیت۔ ءُ ڈینگی ءِ بوت کنوکیں نسل ءِ جاہ زوتاں چہ زوت ھلاس کنگ بہ بنت، ھما جاھانی کش ءُ گور ءَ نگرانی گیش کنگ بہ بیت کہ ڈینگی ءِ کیس دیم ءَ اتکگ اَنت آھودا سرویلنس  ءَ ر  ودینگ  بہ بیت۔