بنجائی وزیر حوالکاری عطاء اللہ تارڑ نا پنی آ اداکار مظہرعلی نا کزیت آ است ہسونی نا درشان

اسلام آباد۔ 08 اکتوبر (اے پی پی) بنجائی وزیر حوالکاری ، شینکاری ، قومی میرات و دودوربیدہ عطاء اللہ تارڑ پنی آ اداکار مظہرعلی نا کزیت آ ڈکھیائی و است ہسونی نا درشانی ءِ کرینے۔ سے شنبے نادے آ تینا ہڑزخواہی بیان اٹی اوایماندار نا خاہوت تون ہڑزخواہی و ہمدردی نا درشانی ءِ کرسا پارے کہ اداکار مظہرعلی نا کزیت نا خبرنا بنگٹ بھاز است ہسون مس۔ اوپارے کہ اینو نن اسہ عظیم فنکار و اسہ شرفمند ءُ انسان اسے گوہانن۔ مظہرعلی تینا فنی لائخی تے اٹ ننے مسحور کرے و تینا اداکاری اٹ ننا است آتیٹی جاگہ  جوڑ کرے۔ اوپارےکہ مظہرعلی نا کزیت آن پاکستانی راگ انڈسٹری ءِ بے بدل نسخان مسنے۔ بنجائی وزیر حوالکاری دعاکرے کہ اللہ تعالیٰ ایماندار نا بخشش ءِ کے و خاہوت ءِ صبر وجمیل عطاکے۔ آمین