وزیرداخلہ نا بنجائی دارالحکومت اٹی غیرکانودی ہاؤسنگ سوسائٹی و تجاوزات آتا برخلاف بے پرخ کارروائی تا پارت

اسلام آباد۔ 08 اکتوبر (اے پی پی) بنجائی وزیر داخلہ محسن نقوی بنجائی دارالحکومت اٹی غیرکانودی ہاؤسنگ سوسائٹی و تجاوزات آتا برخلاف بے پرخ کارروائی تا پارت تس۔ او سے شنبے نادے آ سی ڈی اے ٹی دیوان آن تران کریکہ۔ چیئرمین سی ڈی اےمحمد علی رندھاوا و سی ڈی اے نا ایلو بشخ آتا کمامدار آک دیوان اٹی ساڑی ئسر۔ وزیرداخلہ نا پارت آ دیوان اٹی غیرکانودی سوسائٹی تا برخلاف بے پرخ کارروائی کننگ نا فیصلہ کننگانے۔ وزیرداخلہ محسن نقوی نا پاننگ ئس کہ اسلام آباد شار ءِ غیرکانودی تعمیرات و تجاوزات آتیان پاک کننگ کن کارروائی تیٹی ہچ ءُ نرمی اس کننگپ۔ اوپارے کہ ڈینگی نا توننگ کن کمشنر اسلام آباد و کمشنر راولپنڈی اسیجائی وڑاٹ کاریم کیر۔ وزیرداخلہ اسلام آباد و راولپنڈی انتظامیہ ءِ باؤنڈری ایریہ ٹی کوآرڈی نیشن ءِ پین گچین کننگ نا پارت کرسا پارےکہ جاڑ انگا شار تا انتظامیہ اواری اٹ اسیجائی کارروائی کیر و ڈینگی نا ودنگ نا ممکنہ ہند آتے زوت کلیئر کننگے، ڈینگی کیس آتا رپورٹ مروک آ ہند آتا کنڈآ سرویلینس ءِ ودفنگے۔