نن 8 اکتوبر 2005ء نا بھسکار زمی جمب و اونا نتیجہ ٹی نہادی جونی نسخان تا یات اٹی اینو قومی استقامت نادے ءِ اڈتننگ اُن، بنجائی وزیر انجینئر امیر مقام

اسلام آباد۔ 08 اکتوبر (اے پی پی) بنجائی وزیر امور کشمیر ، گلگت بلتستان و سیفران و صدر پاکستان مسلم لیگ (ن) خیبرپختونخوا انجینئر امیر مقام پارینے کہ اینو نن 8 اکتوبر 2005 ء نا بھسکار زمی جمب و اونا نتیجہ ٹی نہادی جونی نسخان تا یات اٹی قومی استقامت نادے ءِ اڈتننگ اُن، دابھسکار زمی جمب اٹی ہزار آ نہادی جونک زیان مسر ہرافتا غم اینو اسکان است آن دننگ متنے، 8 اکتوبر نازمی جمب اٹی پوسکن تفنگ آ مامور قومی ادارہ غاک اسہ مثالی ءُ کڑد اس ادا کریر۔ داڑے جاری بیان نا رداٹ قوم یوم استقامت 8 اکتوبر 2004ء نا وخت آ تینا کلہو اٹی بنجائی وزیر انجینئر امیر مقام زمی جمب آن زہمی خاہوت آتون ہمدردی نا درشانی ءِ کرسا پارےکہ پاکستان نا  ہموفتے خراج تحسین ہرافک بھسکار زمی جمب اٹی ہمت نا درشانی ءِ کریر۔ انجینئر امیر مقام پارےکہ حکومت پین گچین کوشست آتا کمک اٹ آفت آتیان رکھ پاکستان کن غٹ ممکن گام گیج آتے برجاتخک۔ او8 اکتوبر 2005 نا زمی جمب اٹی جہانی برادری نا کمکاری نا ہم ستا ءِ کرے۔