غزہ ءَ اسرائیل ءِ زوراکی ءُ  ھون ریچی ءِ زوت ھلاس کنگ اولی ترجی اِنت، بے گناھیں فلسطینیانی سر ءَ بوتگیں زلم ءُ  زوراکی ءِ سر ءَ جھان ءِ ضمیر بیدار کنگ بہ بیت، مزن وزیر شہباز شریف ءِ آل پارٹی کانفرنس ءَ گشتانک

اسلام آباد۔7اکتوبر  (اے پی پی):مزن وزیر محمد شہباز شریف ءَ غزہ ءَ اسرائیل ءِ زوراکی ءُ  ھون ریچی ءِ زوتیں ھلاسی ءَ را اولی ترجی لیک اتگ ءُ  گشتگ کہ بے گناہیں فلسطینیانی ھلاپ ءَ ظلم ءُ  زوراکی ءِ سرا جھان ءِ ضمیر ءَ را بیدار کنگ بہ بیت۔ اسرائیل ءِ ظلم ءُ زوراکی ءَ را میاں اوستمانی تک ءَ دیم ءَ آرگ ءُ فلسطین ءِ جیڈھ ءِ گیواری ءِ ارزشت ءَ را پدر کنگ ءِ ھاترا پاکستان یک کارگس ءِ جوڑ کنت کہ ایشی ءِ تہ ءَ ماہرین ھوار بنت کالج ءُ یونیورسٹی آنی تہ ءَ داخلہ دیگ بیت۔ آئی ءَ  اے ھیالانی درشانی دو شمبے ءِ  روچ ءَ  ایوان ءِ  صدر ءِ  مملکت ءَ  فلسطین ءِ  یکوئی ءِ  روچ ءِ  حوالہ ءَ  برجم داشتگیں آل پارٹی کانفرنس ءَ  گوں گشتانک ءِ  ساھت ءَ  کت۔ مزن وزیر محمد شہباز شریف ءَ گوشت کہ صدر ءِ مملکت اے کانفرنس ءَ بھر زوری کنگ ءِ واستہ درستیں رہشون آنی منت وار اِنت، سرجمیں پاکستان ءَ چہ سیاسی ءُ  مذہبی رہشون آنی یکجا بوھگ اے گپ ءِ گواہی اِنت کہ پاکستان ءَ را ہر وھد ءَ کہ کجام ھم چیلنج ءِ دیم ءَ کیت، آ اندری بہ بیت یا درائیں چیلنجاں سرجمیں سیاسی ءُ مذہبی سروکی یکجاہ بوت ءُ یکیں توار ءَ نہ ایوک ءَ وتی احساسات ءِ درشانی کت بلکیں ٹھوس تجویز پیش کت ءُ آہانی سرا عمل کنگ ءِ ھاترا سرجمیں کمک ءِ درشانی کت۔ آئی ءَ گوشت کہ اے کانفرنس ءَ اجتماعی عقل ءُ  زانت ءِ درشان کنگ بوت، جتا جتائیں تجویز پیش کنگ بوت، توامیں سیاسی ءُ  مذہبی گل آنی نیمگ ءَ وتی موقف مھکمیں رنگ ءَ پیش کنگ بوت، اے اجتماعی سوچ ءُ  جیڑگ مئے درست آنی واستہ دلبڈی انت ایشی ءِ سر ءَ ’’کدر‘‘ ءِ حوالہ ءَ گپ ءُ  تران کنگ بوت۔ ءُ گشگ بوت کہ اسلامی دنیا دیم ءَ بہ روت ءُ عملی گامگیج بہ زوریت۔ آئی ءَ گوشت کہ قرارداد ءِ سر ءَ پاکستان ءُ قائداعظم ءِ پکر ءِ حوالہ ءَ گپ ءُ تران کنگ بوتگ ءُ گوشگ بوتگ کہ ما فلسطین ءِ آجوئی ءِ بابت ءَ گپ بہ جن ایں ۔ آئی ءَ گوشت کہ القدس الشریف ءِ بنجاھی شہر جوڑ کنگ ءِ واستہ آزات فلسطین ریاست ءِ جوڑ کنگ ءِ ھوالگ ءَ کانفرنس ءِ بھر زوروک آنی نیام ءَ تپاکی است انت۔ آئی ءَ گوشت کہ سرجمیں پاکستانی راج فلسطینی آنی سر ءَ بوتگیں بدتریں زلم ءُ  زوراکی ءُ  ھون ریچی ءِ مذمت کنت، فلسطینی زھگ ءُ  زالبول شھید کنگ بوھگ ءَ اَنت، شہر آتش کنگ بوھگ ءَ اَنت، جموں کشمیر ءِ سر ءَ بھارت ءِ ناجائزیں قبضہ ءِ تہ ءَ جاور ھال باز جتا نہ اَنت بے گناھیں کشمیری آنی ھون۔ کشمیر ءِ درچک ءَ ریچگ بوھگ ءَ اِنت، کشمیر ءِ درچک زلم ءُ زوراکی ءُ بربریت ءِ سوب ءَ چہ ھون ءَ رُژناہ بوتگ۔ آئی ءَ گوشت کہ جھان ءِ طاقتاں سوڈان ءُ  مشرقی تیمور ءِ بہر ءُ  بانگ ءِ جیڈھ آنی گیواری ءِ واستہ ھرچ پندل کارمرز کتگ آیا مسلمان آنی ھون چہ آھانی ھون ءَ ارزان تر اِنت؟ آئی ءَ گوشت کہ مرچی جھان ءِ ضمیر بیدار بہ بیت، 40 ھزار ءَ چہ گیش فلسطینی شھید کنگ بوتگ اَنت، یتیم وتی مات ءُ  پت ءِ کوش ءِ سر ءَ زاری کنگ ءَ اَنت، رسانکدر جھان ءِ دیم ءَ ھچ وڑیں ھال ءُ  اھوال ءِ وئیل آرگ ءَ اِنت، اے ھون ریچی ءَ بند بہ کن اِت اے کار ءَ کنگ ءَ ما۔ کلیں قوتاں یکجاہ کنگ لوٹیت۔ آئی ءَ گوشت کہ من اے جیڈھ ءِ سر ءَ دگنیا ءَ را دلجم کنگ ءِ واستہ کانفرنس ءَ پیش کنگ بوتگیں تجویز آنی سر ءَ تپاک کن آں، فلسطینی آنی ھون ریچی ءِ بند کنگ مئے اولی فرض اِنت ءُ  ایشی ءِ واستہ مارا او آئی سی ءِ پلیٹ فارم ءَ چہ وتی توار چست کنگی اِنت اے کانفرنس ءَ، اسرائیلی ظلم ءُ زوراکیانی ھلاپ ءَ یک قراردادے منظور کن اَنت ءُ یک کارگسے جوڑ کن اَنت کہ ایشی ءِ تہ ءَ ماہرین ھوار بنت ءُ دگنیا ءِ ھاسیں ملکاں دیم دیگ بنت کہ آ نہ ایوک ءَ پاکستان ءَ بلکیں اسلامی دگنیا ءِ مسلماناں ھم یک مھکمیں پیغامے سر کن اَنت ما۔ دنیا ءَ را سرپد کنت کہ اے زلم ءُ زوراکی ھچبر شموشگ نہ بنت ءُ ٹپ ھچبر وش نہ بنت، ما اے درگت ءَ ترندیں گامگیج چست کنیں اقوام متحدہ ءِ تہ ءَ اے جیڑھ ءِ سر ءَ اسلامی دنیا ءِ ھاسیں رنگ ءَ پاکستان ءِ موقف سک باز دیم ءَ آرگ بوتگ۔ ءُ آ چہ اقوام متحدہ ءِ سلامتی کونسل ءِ دیوان ءَ دراتکگ۔ آئی ءَ گوشت کہ درستاں چہ پیسر جنگ بندی وھد ءِ مستریں لوٹ انت، ایشی ءِ واستہ مارا وتی توار چست کنگی انت ءُ  اقوام متحدہ ءَ ھوار ھمک میاں اوستمانی دیوان ءَ دیم ءَ برگ لوٹ ایت۔ آئی ءَ گوشت کہ کس ءَ چہ ابید ما پاکستانی ءُ  مسلمان آنی بستار ءَ دلیری ءِ پیسلہ بہ کن ایں، آئی ءَ اقوام متحدہ ءِ تہ ءَ مسلمان ھاسیں رنگ ءَ پاکستانی آنی جذبات آناں پدر کتگ ءُ  اے موہ ءِ سر ءَ آئی ایم ایف ءِ گوما پروگرام ھم سوبمند بوتگ۔ آئی ءَ گوشت کہ مارا سرجمیں برابری، مھکم، یکوئی ءُ  تپاکی ءَ گوں مسلمان ءُ  مظلومیں راج آنی پگر ءِ درشانی کنگی اِنت، مارا ملک ءَ را دیمروئی ءِ راہ ءَ راھشونی کنگی اِنت، مارا گریبی ءُ  بے روزگاری ءَ را ھلاس کنگی اِنت، دگنیا ءِ تہ ءَ مئے توار کنگی اِنت۔ .وھد ھما وھد ءَ گوشدارگ بیت کہ ما وت ءَ یکجاہ راجے جوڑ بہ کن ایں. آئی ءَ گوشت کہ فلسطینی آناں کمکی سامان آنی پھجاری ءَ را دل یکیمی کنگ بوتگ، آ ایشی ءَ را گیش گیش کنت آئی ءَ گوں فلسطین ءِ صدر محمود عباس ءَ گند ءُ  نند کتگ من ءَ فلسطینی آنی واستہ بازیں کار کنگی انت، من یتیمیں فلسطینی زھگ آنی واستہ طبی وانگ ءُ  زانگ ءِ بندوبست کتگ۔ جنک، سداں نودربر ادا کاینت، پاکستان ءِ سرکاری ءُ نجی کالج ءُ یونیورسٹیانی تہا آہانی داخلہ ءِ بندوبست کنگ بیت اے یک جوانیں سوج یے ۔ آئی ءَ گوشت کہ اے کانفرنس ءَ مھکمیں راجی یکوئی ءِ درشان کنگ بوت، کانفرنس ءِ پیسلہ زوت عمل کنگ بنت، مئے دوا اِنت کہ اللہ تعالیٰ فلسطین ءِ تہ ءَ ھون ریچی ءِ بند کنگ ءَ مئے کمک ءَ بہ کنت ءُ فلسطین ءَ را آجوئی بہ دنت۔