فلسطین ءِ جیڈھ  ءَ را  یونائیٹڈ  نیشن ءِ سلامتی   کونسل   ءِ منوگری  آنی رد ءَ گیوار کنگ ءَ ابید   رودراتکی  نیامجی  ءَ  ایمنی برجا بوت نہ کنت،   صدر    مملکت آصف علی زرداری ءِ آل  پارٹیز کانفرنس ءَ گوں گشتانک

اسلام آباد۔7اکتوبر  (اے پی پی): صدر آصف علی زرداری ءَ اسرائیل ءِ گیش بوھوکیں  گامگیج  ءُ  دمگ ءَ کش ءُ  چیل ءِ گیش بوھگ ءِ سر ءَ سک باز جیڈھ ءِ درشانی کتگ ءُ  میاں اوستمانی براتی ءَ را امن ءِ بحال کنگ ءُ  جیڈھ آنی شنگ ءُ  تالان بوھگ ءَ چہ رکگ ءِ سر ءَ زور پر داتگ۔ صدر ءِ مملکت ءَ اے ھیالانی درشانی دو شمبے ءِ روچ ءَ ایوان ءِ مملکت ءَ حکومت ءِ نیمگ ءَ گوانک جتگیں آل پارٹی کانفرنس ءَ گوں تران کنان ءَ کت کہ فلسطین ءَ اسرائیل ءِ زوراکی ءِ یک سال ءِ سرجمی ءِ موہ ءَ برجم دارگ بوتگ۔ آئی ءَ گوشت کہ گوستگیں یک سال ءِ تہ ءَ اسرائیل ءِ قبضہ گیریں اُرد ءَ بنیاتی ڈھانچہ ءِ ھلاس کنگ ءَ ابید 41800فلسطینی ھم کش اِتگ اَنت۔ مزن وزی ر شہباز شریف، چیئرمین سینیٹ سید یوسف رضا گیلانی، بنجاھی  کابینہ ءِ باسک، مسلم لیگ (ن) ءِ صدر محمد نواز شریف، پیپلز پارٹی ءِ چیئرمین بلاول بھٹو زرداری، جے یو آئی (ف) ءِ سروک مولانا فضل الرحمن، جماعت حامیر اسلامی اسلامی رحمان ءُ دگہ سیاسی گلانی سروکاں بہر زرت۔ مملکت ءِ صدر ءَ گوشت کہ اسرائیل ءَ لبنان، شام ءُ یمن ءَ را نشانگ جوڑ کنگ ءِ واستہ وتی اُرش گیش کتگ اَنت ءُ ھمے رنگ ءَ دمگی ءُ جھان ءِ امن ءُ ایمنی ءَ را ھم ھترہ ءِ آماچ کتگ۔ آئی ءَ اے گپ ءِ سر ءَ زار شانی کت کہ میان اُستمانی براتی اسرائیل ءَ را فلسطینی آبادی ءِ ھلاپ ءَ نسل کشی ءَ چہ رکّینگ ءَ ناکام بوتگ ءُ ھاسیں رنگ ءَ غزہ ءَ بے سزای ءِ انوگیں جاور ھال ءِ سر ءَ جُست ءُ پُرس کتگ۔ صدر آصف علی زرداری ءَ گوشت کہ میاں اوستمانی براتی ءِ واستہ المی اِنت کہ آ ترندیں گامگیج بہ زور اَنت تانکہ کش ءُ  چیل آناں گیش ءُ  گیوار بہ کنت ءُ  گیشیں جانی تاوان ءُ  جیڈھ ءِ دمگ ءِ دگہ دمگ آنی تہ ءَ شنگ ءُ  تالان بوھگ ءَ چہ بہ رکّینیت۔ آئی ءَ اقوام متحدہ ءِ سلامتی کونسل ءَ را ھم زور پر دات کہ آ فلسطین ءُ  لبنان ءَ امن ءُ  ایمنی ءِ برجائی ءِ وتی ذمہ واری ءَ پیلو بہ کنت ءُ  1967 ءَ چہ پیسر ءِ سیم سر آنی سر ءَ بنیات ءَ القدس ءِ بنیات ءَ جوڑ بہ کنت آئی ءَ پاکستان ءِ دہائی آنی کوھنیں موقف ءِ پدا زور دات۔ دو ریاستی حل ءِ سرا نبشتہ کنت۔ مملکت ءِ صدر ءَ اے گپ ءِ سر ءَ زور پر دات کہ اقوام متحدہ ءِ سلامتی کونسل ءِ قرارداد آنی رد ءَ فلسطین ءِ جیڈھ ءِ گیواری ءَ ابید میاں اوستمانی تک ءَ امن ءِ جار جنگ نہ بیت آئی ءَ اقوام متحدہ ءِ سلامتی کونسل ءِ رد ءَ اسرائیل ءِ اُرد آناں سرجمی ءَ در کنگ ءِ لوٹ کتگ۔ آیا آ اسرائیل ءَ میان اُستمانی امن ءِ بحالی ءِ ھاترا میان اُستمانی کانودانی ھلاپ ورزی  ءَ چہ بہ رکّینیت؟ مملکت ءِ صدر ءَ مقبوضہ بیت المقدس ءَ ھوار مقبوضہ عرب سرزمین ءَ چہ اسرائیل ءِ اُرد آنی سرجمی ءَ در کنگ ءُ  فلسطین ءِ راج ءِ وت واجہی ءِ ناگزی ریں حق ءِ بحالی ءِ واستہ پاکستان ءِ  لیکہ ءَ را پدر کت۔