اسلام آباد۔ 07 اکتوبر (اے پی پی) سعودی عرب نا وزیر زرکاری انجینئر خالد بن عبدالعزیز الفالح نا کماشی ٹی بڑزکو کہول نا سعودی ڈل 9 آن 11 اکتوبر اسکان پاکستان نا دورہ ءِ کیک۔ داہیت ءِ دفترخارجہ نا ترجمان ممتاز زہرہ بلوچ دوشنبے نادے آ داڑے پریس حوال اٹی پارے۔ اوپارےکہ ڈل اٹی سرکاری و نجی بشخ انا ادارہ غاتا نمائندہ غاک اوار مریرہ۔ اوپارےکہ سعودی ڈل انا …
بڑزکو کہولی سعودی ڈل 9 آن 11 اکتوبر اسکان پاکستان نا دورہ ءِ کیک، ترجمان دفترخارجہ
گیشتریں ھال
اسلام آباد۔ 07 اکتوبر (اے پی پی) سعودی عرب نا وزیر زرکاری انجینئر خالد بن عبدالعزیز الفالح نا کماشی ٹی بڑزکو کہول نا سعودی ڈل 9 آن 11 اکتوبر اسکان پاکستان نا دورہ ءِ کیک۔ داہیت ءِ دفترخارجہ نا ترجمان ممتاز زہرہ بلوچ دوشنبے نادے آ داڑے پریس حوال اٹی پارے۔ اوپارےکہ ڈل اٹی سرکاری و نجی بشخ انا ادارہ غاتا نمائندہ غاک اوار مریرہ۔ اوپارےکہ سعودی ڈل انا صدر مملکت و وزیراعظم تون اوڑدہی طے ءِ، دادورہ نا مسخت ہڑتوم آ کنڈآتا کمکاری ءِ ودفنگ و تین پہ تینی وڑاٹ فائدہ مند اقتصادی شریداری ءِ مثبت تحریک تننگ ءِ۔ ترجمان پارے کہ دادورہ وزیراعظم محمد شہبا زشریف و ولی عہد و سعودی عرب نا وزیراعظم محمد بن سلمان نا نیام اٹ اپریل 2024 اٹی پاکستان و سعودی عرب نا نیام اٹ اقتصادی کمکاری ءِ ودفنگ کن طے مروک آ مفاہمت آن پد مننگ ءِ۔
