سری لنکا ءَ بازیں سالاں بندیگ بوتگیں 5 زالبول ھوار 56 جنین آدم ھاسیں بالی گراب ءِ وسیلگ ءَ پاکستان ءَ سر بوتگ اَنت

اسلام آباد (اے پی پی): سری لنکا ءَ بازیں سالاں چہ جتا جتائیں جرم آنی تہ ءَ بندیگ بوتگیں 5 جنین آدم ھاسیں بالی گراب ءَ پاکستان ءَ سر بوتگ اَنت وھدے کہ آ اسلام آباد ءِ بالی پٹ ءَ وتی مات ءُ پت ءُ نزیکیں مردماں گوں گند ءُ نند کتگ اَنت گڑا ھونیگیں ندارگ گندگ بوتگ اَنت . پاکستانی آں بنجاھی  تہی کارانی وزیر محسن نقوی ءُ  بنجاھی  وزیر عبدالعلیم خان ءِ ھاسیں منت واری ءِ درشانی کت کہ آہانی مداخلت ءَ چہ اے مردم وتی ملک ءَ واتر بوھگ ءَ موہ رستگ انت۔ سری لنکا ءَ بازیں سالاں بندیگ بوتگیں 56 پاکستانی دوشمبے ءِ روچ ءَ وش ءُ سلامت وتی ڈیھ ءَ واتر بوتگ اَنت۔ سالانی سالاں پد وتی ڈیھ ءَ واتری ءِ وھد ءَ بندیگانی چماں چہ وشی ءِ ارس اتک اَنت ءُ آھاں پاکستان ءَ سر بوھگ ءِ سر ءَ محسن نقوی ءُ عبدالعلیم خان ءَ را دعا کت ۔ پیریں جنین کہ ملک ءَ واتر بوتگ ات آئی ءَ بنجاھی  وزیراں گوں تران کنان ءَ گشتگ ات کہ زھگ شُکر انت کہ ما پاکستان ءَ واتر بوتگیں ۔ تئی سکیں مھر، اے مھر یک زندمانے ءَ شموشگ نہ بیت۔ یک پاکستانی یے کہ وتی ڈیھ ءَ واتر بوتگ آئی ءَ گْوشتگ کہ محسن نقوی ءُ عبدالعلیم خان ءِ منت ءَ آ مرچی ڈیھ ءَ واتر بوتگ اَنت ڈیھ ءَ واتر بوھگ ءَ پد پاکستانی آں گْوشتگ کہ آ شرطانی رد ءَ بندیگ اَنت شکر اِنت کہ ما وتی ڈیھ ءَ واتر بوتگیں ۔ لوگ ءَ واتر بوھگ ءَ دگہ زندانی یے ءَ گْوشتگ کہ من محسن نقوی ءُ عبدالعلیم ءِ منت وار آں کہ آیاں مارا وتی لوگ ءَ آورتگ۔ بنجاھی  وزیر تہی کار  محسن نقوی ءُ بنجاھی  وزیر نجکاری عبدالعلیم خان ءِ یکجائی کوشست ءَ چہ سری لنکا ءَ 5 زالبول ءُ 51 مردیں بندیگ چارٹرڈ بالی گراب ءِ وسیلگ ءَ وتی ملک ءَ آرگ بوتگ انت۔ اے درگت ءَ تہی کارانی وزیر محسن نقوی ءَ پاکستانی قیدی آنی وطن ءَ واتر کنگ ءَ را دل یکیمی کنگ ءِ واستہ ذاتی دلچسپی زرتگ ءُ  اے جیڈھ سری لنکا ءِ ہائی کمشنر ءَ را چست کتگ۔ بنجاھی  وزیر عبدالعلیم خان ءَ سری لنکا ءَ چہ پاکستانی بندیگ آنی وطن ءَ واتر کنگ ءِ سرجمیں ھرچ ءُ درچ زرتگ اَنت۔ محسن نقوی ءَ گوشت کہ آ سری لنکا ءِ حکومت ءُ  ہائی کمشنر ءِ کرد ءَ را ساڑات آں کہ آ قیدی آنی وطن ءَ واتر کنگ ءِ واستہ کمک کنگ ءَ انت۔ آئی ءَ گوشت کہ آ بنجاھی  وزیر عبدالعلیم خان ءِ ھم منت وار آں کہ آئی ءَ بندیگ آناں واتر کنگ ءِ ھرچ ءُ  درچ وتی برداشت کتگ۔