مزن وزیر شہباز شریف ءَ کراچی ءَ بوتگیں وئیل  ءَ را  مذمت کتگ،  چینی سروک ، الس ءُ بیران بوتگیں مردمانی کھول ءَ گوں دلی دلپدردی ءِ درشانی کتگ

اسلام آباد (اے پی پی) مزن وزیر محمد شہباز شریف ءَ گوستگیں شپ ءَ کراچی ءَ بوتگیں غمناکیں وئیل ءِ مذمت کتگ ایشی ءِ اندر ءَ دو چینی  مردم بیران  ءُ یک   ٹپیگ بوتگ۔   ایکس ءِ  سر ءَ   وتی پوسٹ ءِ حوالہ ءَ مزن وزیر ءَ گوشت کہ گوستگیں شپ ءَ کراچی ءَ بوتگیں اے زھرناکیں وئیل ءَ چہ من  سک  بز  گمیگ بوتگ  آں۔  ما اے واکیہ ءَ را   مذمت  کناں ءُ چینی  سروک،   چینی الس ءُ  بیران بوھوکیں   مردم آنی  ھاندان  آں گوں  دلی  دلپدردی ءِ درشان  ءَ کناں۔ آئیءَ ٹپیگ بوتگیں  مردم آنی  زوت  جان سلامتی ءِ واستہ  دعا ءِ نیک کت۔ مزن وزیر ءَ   گوشت کہ اے واکیہ ءَ  گوں دست مانجنیں مردم   پاکستانی  نہ انت    بلکینگ ءَ ایش   پاکستان ءِ دژمن انت۔   ایشی ءَ گوں دست مانجنیں مردم آنی    ٹک  ءُ نشان ءِ واستہ پٹ ءُ پول جاڑی  انت۔    تانکہ آ  گرگ ءُ  کانود ءِ پنجگ آں آرگ بہ  بنت۔    آئیءَ گوشت کہ  پاکستان  وتی  چینی دوست آنی رکھینگ ءِ واستہ  جزمیگ انت۔   ما آوانی   سلامتی ءُ رکھینگ ءِ واستہ     اچ رنگیں   موہ   یلو نہ کناں۔