صدر آصف علی زرداری نا کراچی بالی پٹ انا خڑک دھماکہ نا مذمت

اسلام آباد۔ 07 اکتوبر (اے پی پی) صدر مملکت آصف علی زرداری کراچی بالی پٹ انا خڑک دھماکہ نامذمت ءِ کرسا پارینے کہ واقعہ ٹی اوار بندغ آتے اوفتے اوفتا کروک نا سزا تننگ کن گچین کارروائی کروئی مریک۔ ایوان صدر نا پریس ونگ انا رداٹ تینابیان اٹی صدر مملکت آصف علی زرداری واقعہ ٹی اِرا چینی شاری تا مرک آ است ہسونی نا درشانی ءِ کرے۔ صدر مملکت واقعہ ٹی خلنگوک آ چینی شاری تا خاہوت آتون ہڑزخواہی کرے۔ صدر مملکت آصف علی زرداری نا پاننگ ئس کہ ملک دشمن زموارآک پاکستان نا شونداری و شونہالی ءِ نسخان تننگ خوارہ۔ اوپارے کہ ڈکھیائی نا داساہت اٹی کنا ہمدردی چینی شاری و اوفتا خاہوت آتونءِ۔