لیفٹیننٹ کرنل محمد علی شوکت شہید تون اوار پاک فوج انا شہید مروک آ 6 ورناتا نماز ءِ جنازہ ءِ خواننگا

راولپنڈی۔ 07اکتوبر (اے پی پی) ضلع قطبی وزیرستان نا علاقہ سپن وام اٹی دہشت گرد آتا برخلاف بہادری اٹ جنگ ترسا شہید ی نا جام ءِ نوش کروک آ لیفٹیننٹ کرنل محمد علی شوکت تون اوار پاک فوج انا 6 ورناتا نماز ءِ جنازہ ءِ خواننگا۔ آئی ایس پی آر نا رداٹ لیفٹیننٹ کرنل محمد علی شوکت شہید(عمر:43 سال، ساکن ضلع فیصل آباد)، لانس نائیک محمد اللہ شہید (وئی: 31 سال ، ساکن ضلع خیبر) ، لانس نائیک اخترزمان شہید (وئی:30 سال ، ساکن ضلع لکی مروت)، لانس نائیک شاہداللہ شہید(وئی:29 سال ، ساکن ضلع ٹانک)، لانس نائیک یوسف علی شہید(وئی: 31 سال ، ساکن ضلع اورکزئی) و سپاہی جمیل احمد شہید(وئی:26 سال، ساکن ضلع سوات) تدوک آ دے دہشت گرد آتون بہادری اٹ مقابلہ کرسا شہید مسوسر ہرا دوشنبے نادے آ اوفتا تینا باوہ پیرہ آ علاقہ غاتیٹی پورو فوجی شرف اتون جہہ جاگہ کننگا۔ نماز ءِ جنازہ ٹی سینئر حاضر سروس فوجی آفیسر، فوجی ورنا، شہید آتا خاہوت و علاقہ نا سرکڑدہ غاک بھلو کچ اسے ٹی بشخ ہلکر۔ آئی ایس پی آر نا پاننگ ءِ کہ ننا شہید آتا داقربانیک دہشت گردی نا برخلاف برجاجنگ اٹی ننا عزم و حوصلہ ءِ سوگوی ایترہ۔