چین نا الس و زہمی تا خاہوت آتون تفوک اُن، وزیراعلیٰ بلوچستان میر سرفراز بگٹی

کوئٹہ۔ 07 اکتوبر (اے پی پی) وزیراعلیٰ بلوچستان میر سرفراز بگٹی راجی رابطہ نا ویب سائٹ ٹویٹر(ایکس) آ تینا جاری کروک بیان اٹی پارینے کہ کراچی ٹی پیش بروک  آ است ہسون واقعہ غا بھاز غمزدہ اُٹ، ہراٹی اِرا چینی شاری زوال و اسٹ اس ٹھپی مس۔ کنا ہڑزخواہی چینی سرکڑدہ، چین نا الس و زہمی تا خاہوت آتون ءِ۔ نن دا وحشیانہ فعل انا ترندی اٹ مذمت ءِ کینہ و تینا چینی سنگت آتے باور کرفنہ کہ زموار آتے عدالت نا مون آ اتنگک۔ پاکستان تینا چینی ایلم و ایڑھ تا رکھ ءِ پک کننگ کن سنبرینگوک ءِ۔