اسلام آباد۔ 07 اکتوبر (اے پی پی) چیئرمین سینیٹ سید یوسف رضاگیلانی پارینے کہ اسرائیلی فوج انا تدوک آ اسہ سال آن ظلم و بربریت کاٹم آن گدرینگانے۔ دوشنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ پارے کہ غزہ نا پٹی و مقبوضہ فلسطینی علاقہ غاتیٹی اسرائیلی فوج انا کنڈآن وحشیانہ بمباری و کوزہ گیری نا اسہ سال پورو مسنے۔ اوپارے کہ پاکستانی الس نا …
اسرائیلی فوج انا غزہ ٹی ظلم و بربریت کاٹم آن گدرینگانے، چیئرمین سینیٹ
گیشتریں ھال
اسلام آباد۔ 07 اکتوبر (اے پی پی) چیئرمین سینیٹ سید یوسف رضاگیلانی پارینے کہ اسرائیلی فوج انا تدوک آ اسہ سال آن ظلم و بربریت کاٹم آن گدرینگانے۔ دوشنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ پارے کہ غزہ نا پٹی و مقبوضہ فلسطینی علاقہ غاتیٹی اسرائیلی فوج انا کنڈآن وحشیانہ بمباری و کوزہ گیری نا اسہ سال پورو مسنے۔ اوپارے کہ پاکستانی الس نا کنڈآن تینا فلسطینی ایلم تتون بدل مفروک یکجہتی نا درشانی ءِ کینہ۔ اسرائیلی فوج انا تدوک آ اسہ سال آن ظلم و بربریت کاٹم آن گدرینگانے۔ جہانی برادری ءِ فلسطینی تا حالیت زار آ چکار کننگ و جھیڑہ نا انصاف اٹ و دیرپاایسری کن کاریم کننگ نا دمدستی گرجءِ۔ اسرائیل نا کنڈآن فلسطینی ڈغارتیا نارواکوزہ جہانی کانود نا پاش آن پاش خلاف ورزی ءِ۔ جہانی برادری ڈیہہ اٹی دیرپاامن کن سازگارچاگڑد ءِ مو ن آ دننگ کن کاریم کے۔ چیئرمین سینیٹ پارےکہ فلسطینی الس نا روا است خواہی تے امنا کننگے۔
