وزیراعظم شہباز شریف نا کراچی ٹی است ہسون واقعہ نا مذمت، چینی سرکڑدہ، الس و زوال کروک آتا خاہوت آتون ہڑزخواہی نا درشان

اسلام آباد۔ 07 اکتوبر (اے پی پی) وزیراعظم محمد شہباز شریف کراچی ٹی تدوک آ نن پیش بروک آ است ہسون واقعہ نا ترندی اٹ مذمت ءِ کرینے ہراٹی اِرا چینی باتی زوال و اسٹ اس ٹھپی مس۔ دوشنبے نادے آ ایکس آ تینا پوسٹ اٹی وزیراعظم پارے کہ اودے تدوک آنن کراچی ٹی دا واقعہ غا بھاز ڈکھیائی مسنے، نن دا واقعہ نا ترندی اٹ مذمت ءِ کینہ و چینی سرکڑدہ، چینی الس و زوال کروک آتا خاہوت آتون ہڑزخواہی نا درشانی ءِ کینہ۔ اوٹھپی چینی باتی نا زوت دراخ جوڑی کن دعاہم کرے۔ وزیراعظم پارے کہ داواقعہ ٹی اوار شرپسند آک پاکستانی مننگ کپسہ بلکن او پاکستان نا دشمن ءُ۔ داٹی اوار زموار آتا پیدواری کن جاست وپاست برجاءِ تانکہ اوفتے انصاف نا مون آ اتنگ مرے۔ اوپارےکہ پاکستان تینا چینی سنگت آتا رکھ اکن سنبرینگوک ءِ، نن اوفتا سلامتی و رکھ اکن دقیقہ فروگزاشت کپنہ۔