صدر آصف علی زرداری ءَ فیصل آباد ءَ شہید لیفٹیننٹ کرنل محمد علی ءِ گس ءِ تر ءُ تاب کتگ ءُ آئی ءِ کھول ءَ گوں دلپدردی ءِ درشانی کتگ

اسلام آباد (اے پی پی) صدر ءِ مملکت آصف علی زرداری ءَ یک شمبے ءِ روچ ءَ فیصل آباد ءَ شہید لیفٹیننٹ کرنل محمد علی ءِ گس ءِ تر ءُ تاب کتگ ءُ شہید ءِ کھول ءِ گوما دلپدردی ءِ درشان کتگ۔ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ شھید لیفٹیننٹ کرنل محمد علی ءِ گس ءِ مردم آں گوں دلپدردی ءِ درشانی کتگ ءُ شھید ءِ واستہ فاتحہ وانگ ءُ آئی ءِ برز کنگ ءِ واستہ دعا کتگ۔ گوستگیں روچ ءَ شمالی وزیرستان ءَ ناشرکارانی ھلاپ ءَ جنگ ءِ وھد ءَ لیفٹیننٹ کرنل محمد علی شھید بوتگ۔ صدر ءِ مملکت ءَ راج ءِ نیمگ ءَ لیفٹیننٹ کرنل محمد علی شہید ءِ ازمت ءُ  بہادری ءَ را شگر ءُ  منت درشان کت۔ صدر ءِ مملکت ءَ لیفٹیننٹ کرنل محمد علی شہید ءُ آئی ءِ کھول ءِ مہر ءُ قربانی ساڑاتگ ءُ گوشت کہ سرجمیں راج شھید ءُ آھانی کھول ءِ قربانی آناں ساڑاھگ ءَ انت۔ صدر ءِ مملکت ءَ گوشت کہ راج وتی شہیداں ءُ آوانی قربانی ءَ چہ شموشکار نہ بیت۔ صدر ءِ مملکت ءَ شہید ءِ گس ءِ مردم آں گوں ہمدردی ءِ درشانی کتگ ءُ صبر ءِ دعا کتگ۔