اسلام آباد۔ 06 اکتوبر (اے پی پی) اسلام آباد اٹی پی ٹی آئی نا مچی کروک آتا بیدادی آن شہید مروک آ پولیس کانسٹیبل عبدالحمید شاہ نا نماز ءِ جنازہ ءِ خواننگا۔ شنبے نادے آ شہید عبدالحمید نا نماز ءِ جنازہ ءِ ڈی چوک آ خواننگا۔ جنازہ ٹی گورنر کے پی فیصل کریم کنڈی، وزیرداخلہ محسن نقوی، چیف کمشنر محمد علی رندھاوا، آئی جی اسلام آباد علی ناصر رضوی، آئی جی پنجاب ڈاکٹر عثمان انور، سیکرٹری داخلہ تون اوار وزارت داخلہ نا بڑزکو کمامدار، پولیس، ایف سی و شاری تا بھلو کچ اس بشخ ہلکر۔ پولیس نا چاک و چوبند دستہ شہید کانسٹیبل نامیت ءِ گارڈ آف آنر پیش کرے، شہید کارندہ نا تعلق ایبٹ آباد آن ءِ۔
