اسلام آباد۔ 06 اکتوبر (اے پی پی) بنجائی وزیر داخلہ محسن نقوی و وزیرنجکاری عبدالعلیم خان نا اسیجائی کوشست آتے اٹ کیہی سال آن سری لنکاٹی اختہ 56 پاکستانی تے وطن آ پدی اتنگ ممکن مننگ کرینے، اواسہ چارٹرڈ جہاز انا کمک اٹ وطن آ پدی سرکننگرہ۔ داڑے جاری بیان اسے نا رداٹ داپاکستانی بندی تا وطن آ پدی اتنگ وزیرداخلہ محسن نقوی نا پارت آ وزارت داخلہ و سری لنکن کمامدارآتا نیام اٹ مسہ تُو آن رابطہ غاتیٹی ممکن مسنے۔ وزیرداخلہ وزارت ءِ اوفتا رہائی و وطن آ پدی اتنگ نا ٹاسک ءِ تسوسس۔ سری لنکا غان دا بندی تا وطن آپدی اتنگ نا غٹ خڑچ آتے وزیر نجکاری عبدالعلیم خان سگک۔ داباندات آ پبی کمکاری کن بنجائی وزیر داخلہ محسن نقوی سری لنکا نا حکومت و ہائی کمشنر نا منت واری ءِ ہرفینے۔ اودابندی تا وطن آ پدی اتنگ نا خڑچ آتے سگنگ آ وزیرنجکاری عبدالعلیم خان نا ہم منت واری ءِ ہرفے۔ انسانی بنداو تیا کروک آ دا اہم کوشست ءِ ہرا تینا دوست آتون کیہی سال آن جتا 56 پاکستانی تے اوفتے تون ملفک۔
