بنجائی وزیر داخلہ نا پولیس کانسٹیبل عبدالحمید شاہ نا شہیدی آ ہڑزخواہی نا درشان

اسلام آباد۔ 06 اکتوبر (اے پی پی) بنجائی وزیر داخلہ سینیٹر محسن نقوی پاکستان تحریک انصاف نا برانزی مچی کروک آتا بیدادی اٹ شہیدمروک آپولیس کانسٹیبل عبدالحمید شاہ نا شہیدی آ است ہسونی نا درشانی ءِ کرساپارینے کہ داواقعہ ٹی اوار شرپسند آتے کانود نا مون آ اتنگک۔ شنبے نادے آداڑے جاری بیان نا رداٹ وزیرداخلہ خاہوت آتون ہمدردی نا درشانیءِ کرسا اوفتےکن صبروجمیل نا دعاکرے۔ اوآئی جی اسلام آباد ءِ پارت کرے کہ او کانسٹیبل عبدالحمید آ بیدادی نا زموار آتے دزگیرکننگ کن کوشست آتے ترند کے۔ دا بہیمانہ عمل اٹ اوار شرپسند آتے ہرحال اٹ انصاف نا مون آاتنگک۔ اوپارےکہ شہید کانسٹیبل ڈیوٹی آ بہادری اٹ تینا زموار ی ناادائیگی ٹی بہادری و قربانی سفت نا قابل ءِ اونا قربانی ءِ است آن دننگ مفک۔ اوپارے کہ حکومت شہیدنا خاہوت نا خیالداری نا زمواریءِ پورو کیک۔